Playtime 2018: Street style. Нэгдүгээр хэсэг

Орчин үеийн хамгийн шилдэг хөгжмийн наадам болох Playtime 2018 эхэллээ. Бюро 24/7 уламжлал ёсоор Playtime амьд хөгжмийн наадмаас шууд сурвалжилга хийж, хамгийн өвөрмөц, загварлаг street style дүр төрхүүдийг уншигчиддаа танилцуулахаар бэлтгэлээ

Амьд хөгжим, инээд хөөр, загварлаг, соёлтой залуусаар дүүрэн Playtime амьд хөгжмийн наадам эхэлж байна. Жилээс жилд улам сайжирч буй Playtime наадамд оролцсоноор уран бүтээлчдийн тоглолтыг үзэхээс гадна "speed dating", задгай кино театр, чимээгүй үдэшлэг зэрэг олон сонирхолтой арга хэмжээнд хамрагдах боломжтой билээ. Наадмын нээлтийг The Tourist хамтлаг нээсэн бол тэдний араас Something's Brewing, Break the Cycle хамтлагууд уран бүтээлээ толилуулаад байна.

Түүнчлэн хөгжмийн наадмын хамгийн их анхаарлыг татдаг зүйл бол зочдын хувцаслалт билээ. Энэ жилийн наадамд хүрэлцэн ирсэн зочид фестивалийн уламжлалт трендүүдийг баримталж, богино топ, цэцэгтэй хээ, цацагтай деталь гэх зэрэг богемын хэв маягаар төрх бүрдүүллээ. Ингээд Playtime наадмын эхний өдөр дээрх хамгийн загварлаг, сонирхолтой дүр төрхүүдтэй танилцацгаая.