Дотроос нь харцгаая: Кара ба Поппи Делевинь нарын Лос-Анжелес дахь харш

Architectural Digest сэтгүүл Кара ба Поппи Делевинь нарын Лос-Анжелес дахь амралтын харшаар зочилж, сурвалжилга бэлтгэжээ. Мастер унтлагын өрөө, усан сан, коктейл бар, Pole Dance буюу баганатай бүжгийн өрөө зэргээс бүрдэх энэхүү харшийн интерьерийг дизайнер Николо Бини хариуцан гаргасан байна. Тэрээр эгч дүүст зориулан дундад зууны модерн хэв маяг, Беверли Хилсийн чамин тансаг байдал, Калифорнийн богем уур амьсгал холилдсон байдлаар тохижуулсан болохоо онцолсон юм. Харин унтлагын өрөөний хувьд эгч дүүс өөрсдийн гоо зүй, мэдрэмжээрээ тохижуулсан ба Поппи Делевиний өрөөг уран зураг мэт ханын цаас, номин цэнхэр өнгийн эд хэрэгсэл, Марокко хивс чимж байсан бол Кара Делевиний унтлагын өрөө илүү Ар-деко хэв маягтай болжээ.  Ингээд Кара ба Поппи Делевинь нарын Лос-Анжелес дахь харшаар аялцгаая.