Италийн үзэсгэлэнт Венеци хотод 74 дэх удаагийн Венецийн олон улсын кино наадам эхэллээ. Дэлхийн хамгийн эртний кино наадам гэх тодорхойлолттой уг наадмыг энэ жил жүжигчин Мэтт Дэймоны тоглосон "Downsizing" нэртэй уран зөгнөлт, инээдмийн кино нээж байна. Энэ жил Венецийн кино наадмын "Алтан арслан" шагналд нийт 21 бүтээл өрсөлдөж байгаа бөгөөд тэдгээр кинонууд дунд Даррен Аранофски, Гильермо Дель Торо, Жорж Клуни зэрэг нэр бүхий найруулагчдын бүтээлүүд багтаж байгаа юм.

Венецийн кино наадмын нээлтэд Холливүүдийн болон олон улсын жүжигчид, супер моделиyд, алдартай найруулагчид хүрэлцэн иржээ. Кино наадмын улаан хивсэн дээр Изабель Гулар, Кристен Уиг, Ребекка Холл, Изабели Фонтана, Аннет Беннинг, Мэтт Дэймон болон бусад одууд алхаж харагдлаа.

Энэ жилийн Венецийн кино наадам 2017 оны наймдугаар сарын 30-наас есдүгээр сарын 9-н хүртэл үргэлжилнэ.