Жилийн хамгийн романтик уур амьсгалтай баяр болох Гэгээн Валентины өдөр ойртож, хосууд бие, биедээ сэтгэл шингэсэн бэлэг бэлдэж, хайр, халамжаа илэрхийлэх цаг ирээд байна. Тэгвэл бид дурлалт хосуудын баярыг тохиолдуулан Central Tower-с худалдан авах боломжтой, хүн бүхэнд гарцаагүй таалагдах, загварлаг бас гоёмсог эд зүйлсээр дүүрэн бэлэгний санаа боловсрууллаа.

Хүн бүрийн хайрын "хэл" өөр, өөр байдгаас гадна анхаарал халамж, хайраа илэрхийлэх аргууд ч мөн адил өөр байдаг. Жишээ нь төсөөллөө ашиглан өөрийн гараар ямар нэг онцгой зүйл урлаж, тогтсон уламжлалыг даган шоколад бэлэглэж, эсвэл зүгээр л болзоонд явж цагийг хамтдаа өнгөрөөх гээд хүн бүр өөрсдийнхөөрөө гэгээн Валентины өдрийг өнгөрөөж, сэтгэлээ илчилдэг. Харин карантин, тусгаарлалт, пандемикийн үеэр болзоонд явж, кино театрт кино үзэж, гадуур хамтдаа зугаалж нэгэнт чадахгүй тул үүний оронд хайртай хүндээ зориулан онцгой бэлэг бэлдэж сэтгэлээ илчлэх сонголт л бидэнд үлдлээ.

Сайхан мэдээ дуулгахад Central Tower-т байрлах дэлхийн алдартай брэнд, дэлгүүрүүд нь Валентины баярыг тохиолдуулан сонгогдсон загварууддаа хямдрал, урамшуулал болон бусад алдаж болохооргүй боломжуудыг санал болгож байгаа тул олон газраар явж цагаа үрэлгүйгээр төвлөрсөн нэг цэгээс загвар, гоо сайхан, гоёл чимэглэл, цэцэг, бэлэг дурсгал зэрэг Гэгээн хайрын өдрийг тань улам илүү онцгой болгох бүтээгдэхүүнээс бэлэгний сонголтоо хийж, хүссэн газартаа хүргүүлэн аваарай.

Хувцас, гутал, цүнх

Ноолууран даашинз, оверсайз хослол, хавар-зуны шинэ загварын эд зүйлс, сайн чанарын парка зэргээс татгалзах эмэгтэй хүн энэ дэлхий дээр үгүй биз ээ. Central Tower дахь Английн алдарт Burberry, Германы Hugo Boss брэндийн 2021 оны хавар-зуны цоо шинэ цуглуулгууд ирсэн байгаа тул удахгүй айлчлах урин дулаан улиралд хайртай нэгнийгээ харц булаам харагдахад нь яагаад тусалж болохгүй гэж? Мөн та ямар ч стильтэй бай, таны хэв маяг, стилийг бүрэн илтгэх Bally, Versace Collection зэрэг Европын тансаг зэрэглэлийн брэндүүдийн сүүлийн үеийн цуглуулгуудаас сонголтоо хийж шүүгээгээ шинэчлэх боломжтой. Мэдээж хэрэг халуухан дотуур хувцасгүй Валентины романтик үдшийг төсөөлөх аргагүй гэж боддог хүмүүст хандаж хэлэхэд Wolford брэндэд биеийн галбирыг тодотгох төрөл бүрийн дотуур хувцаснууд бий.

Гоёл чимэглэл

Өндөр калортой зүрхэн хэлбэртэй амттан бэлэглэхээс арай өөр сонголт хийхийг хүсэж байвал нарийн хийцтэй гоёл чимэглэл сонгож, хайраа илэрхийлж болно. Охид, бүсгүйчүүдийн дуртай Swarovski брэндийн төрөл бүрийн загвартай, гялалзсан гоёл чимэглэлүүд, эрчүүдийн загварлаг байдал, үнэ цэнийг улам бүр тодотгож өгдөг алдарт Montblanc, дэлхийн суут их мастеруудын хосгүй бүтээлүүдийг гоёл чимэглэл дээр амилуулдаг FREYWILLE гээд бүх насны, бүх хүйсийн төлөөлөгчдөд таалагдах эд зүйлс ч Central Tower-т бий. Гоёл чимэглэл, үнэт эдлэлд дургүй гэж хэлсэн хүнийг сонсож байсан уу?

Ном, бэлэг дурсгал, цэцэг

Валентины баярт сэтгэл догдлом, онцгой уур амьсгал нэмдэг зүйл нь мэдээж анхилам үнэртэй, гоёмсог цэцгийн баглаа. Тэгвэл хамгийн цэмцгэр, тансаг цэцгийн баглааг Edelweiss цэцгийн дэлгүүрийн мэргэшсэн флорист танд зөвлөн бэлдэж өгөх болно. Мөн үргэлж уншихыг хүсдэг байсан номоо бэлгэнд авч, хуудас бүрийг нь эргүүлэн, уран сэтгэмжийн ертөнцөд нэвтрэх тэр мэдрэмжийг төсөөлж байна уу? Central Tower дотор байрлах BookLO номын автомат машинаас хүссэн бүтээлээ авч, эсвэл сонгосон номоо хүргүүлэн авах боломжтой. Харин Golden Pen дэлгүүрт худалдаалагдаж буй өргөн сонголт бүхий бичиг хэргийн эд зүйлс нь өдөр тутмын амьдралдаа хэрэгцээтэй зүйлсийг бэлгэнд авахыг илүүд үздэг прагматик хүмүүст төгс бэлэг болно.

Гоо сайхан, арьс арчилгаа

Хайртай бүсгүйгээ сайхан харагдаж, гайхалтай мэдрэхэд нь туслах бэлэг сонгож, анхаарал халамж тавих нь "Би чамд хайртай" гэж хэлж байгаагийн бас нэг илэрхийлэл билээ. Харин ингэж хайраа илэрхийлэхэд тань чанартай гоо сайхны бүтээгдэхүүнүүд туслах болно. WellBee Experience Center-ийн арьс арчилгааны бүтээгдэхүүнүүд, Bishrelt Beauty-гийн сүрчигнүүдээс дурлалт бүсгүйдээ бэлэг сонгон түүндээ анхаарал халамж тавьж, мэдрэмжээ илэрхийлээрэй.

Хүргэлтийн мэдээлэл