Төгс дуугаралт, тансаг хийцийн хослол болсон Devialet брэндийг сонгох шалтгаанууд

2007 оноос эхлэн үйл ажиллагаагаа явуулж буй Францын алдарт хөгжмийн төхөөрөмж үйлдвэрлэгч Devialet брэнд хүчирхэг дуугаралттай, өвөрмөц дизайнтай, ашиглахад хялбар төхөөрөмжүүдээрээ хэрэглэгчдийн дунд хэдийн танигдаж, өдгөө салбартаа тэргүүлэх брэндүүдийн нэг болж чадсан билээ. Харин өнгөрөгч онд тус брэндийн спикер болон бусад дагалдах хэрэгслүүдийг âme болон Quinto concept store дэлгүүр албан ёсны эрхтэйгээр оруулан ирж, Монгол дахь хэрэглэгчдийн сонорыг мялаагаад амжсан. Тэгвэл бидний зүгээс технологийн гайхамшгийг мэдрүүлэх Devialet брэндийг сонгох гол шалтгаануудыг энэ удаа дурдахаар бэлтгэлээ.

Ингээд тэдний нэрийн хуудас болсон төхөөрөмжүүд болон шинээр худалдаанд гаргасан ухаалаг бүтээгдэхүүнүүдтэй илүү дэлгэрэнгүй танилцацгаая.

Аялал зугаалгад авч явахад тохиромжтой авсаархан хийц

Аялал зугаалга, баяр наадам, хөгжмийн фестивалиуд зонхилсон зуны улирал ирсэнтэй холбогдуулан бидний зүгээс Devialet брэндийн Mania загварын спикерийг онцолж байна. Тус спикер нь бусад төрлийн спикертэй харьцуулахад маш хөнгөн, жижиг буюу 2,3 кг жинтэй, 176 мм x 193 мм x 139 мм харьцах хэмжээтэй учир хаана ч аваад явахад авсаархан гэдгээрээ онцлог. Мөн 30 Гц - 20 кГц хүртэлх хүрээг хамрах чадвартай, нэг метрийн зайд 95дБ SPL хүртэл дуугарах хүчин чадалтай ба давхар 360° стерео аудио системтэй тул хүчирхэг басс, цэвэр тод дуугаралтаараа хөгжмийн гайхалтай, амьд мэдрэмжийг өгч чаддаг аж.

Түүнчлэн Mania спикер нь арван цаг хүртэлх хугацаанд цэнэгээ барихын сацуу гурван цагийн дотор бүрэн цэнэглэгдэх чадвартай бөгөөд давхар усны хамгаалалттай учир аялал, зугаалгад авч явахад хамгийн тохиромжтой сонголт болох юм.

Хүлээлтийг давсан хүчирхэг дуугаралт

“Чамин тансаг хийц болон технологийн дэвшлийн хослол" гэх уриатай Devialet брэндийн хүчирхэг дуугаралттай, гэртээ суурилуулахад илүү тохиромжтой Phantom загварын спикерүүд нь тав тух, чанарыг эрхэмлэгч хүн бүрийн сонголт болоод байна. Гадаад үзэмжийн хувьд хар, цагаан, алтлаг зэрэг минимал өнгө зонхилсон тус спикер нь 24 битийн өндөр нягтаршилтайгаар аудиог хүргэж, хөгжим дуугарах үед гаднах динамик нь хөгжмийн хэмнэлийн дагуу чичирдэг тул кино театрт байгаа мэт бодит мэдрэмжийг өгдөг. Үүгээр ч зогсохгүй хэрэглэгч гэрийнхээ интерьертэй уялдуулан спикерийн суурь, хөл зэрэг нэмэлт аксесуаруудын тусламжтайгаар хөгжим тоглуулагчаа хүссэн газраа суурилуулах боломжтой юм.

Мөн Devialet брэндийн Dione загварын хөгжим тоглуулагчийг дурдахгүй өнгөрөгч болохгүй биз ээ. Хэмжээний хувьд ‎6.5 x 47.24 x 3.03 инч хэмжээтэй энэхүү спикер нь дуу хөгжмийг илүү бодитоор эгшиглүүлж, SPACE™ технологийн тусламжтайгаар хөгжмийг тухайн орон зайд тохируулан, 3D буюу яг л хажууд сонсогдож байгаа мэт дуугаралт болон мэдрэмжийг өгдөг гэдгээрээ онцлог. Давхар гар утаснаас Bluetooth, AirPlay 2, Spotify-тай, мөн зурагттай HDMI® болон TOSLINK оптик оролтоор холбогддог учир хэрэглэгч төхөөрөмжөө хүссэн газраасаа удирдаж болохоор бүтээгдсэн нь бас нэг давуу тал нь болжээ.

Бүхий л талаараа шинэчлэгдсэн Gemini II утасгүй чихэвч

Devialet брэндийн өнгөрөгч есдүгээр сард худалдаанд гаргасан Gemini II утасгүй чихэвч хэрэглэгчдийн анхаарлыг нэлээдгүй татаад байгаа юм. Тус чихэвч нь гэрэндээ цэнэглэгдвэл нийт 22 цаг сонсох боломжтой. Мөн ус, хөлс, шорооны хамгаалалттай ба өмнөх загвараасаа 35% хөнгөн, 40% жижиг хэмжээтэй бүтээгджээ. Түүнчлэн салхины тусгай дуу намсгагчтай тул гадаа гүйж эсвэл алхаж байх үед салхины чимээнд яриа бүдгэрэх, хөгжим сайн сонсогдохгүй байх зэрэг асуудал үүсэхгүй давуу талтай. Үүнээс гадна хэрэглэгчийн чихний ховилд тохирсон S, M, L, XL хэмжээтэй чихний зөөлөвчүүд дагалдаж ирдэг тул чихэвч чихнээс унах, удаан хугацаанд зүүхэд чих өвдөх, чилэх зэрэгт санаа зовохгүй байж болох юм.