Stranger Things цувралын төгсгөлийн бүлгийн зураг авалт хийгдэж дууслаа

2025 онд хамгийн өндөр хүлээлттэй байгаа Stranger Things цувралын  тавдугаар бүлгийн зураг авалт дууссан тухай Викигийн дүрд тоглосон жүжигчин Эмибет Макналти өөрийн Instagram хуудаснаа хуваалцлаа. Тэрээр “Зураг авалт дууслаа! Гайхалтай хамт олонтой гайхам сайхан төсөл дээр хамтран ажиллах боломж олгосонд баярлаж байна. Би 2021 оноос 2024 оны хооронд төсөл дээр хамтран ажилласан бөгөөд энэ хугацаанд мэдэрсэн энэ их хайрыг өөр юутай ч зүйрлэшгүй юм” хэмээжээ.

Stranger Things цуврал Netflix платформ дээр 2016 оноос эхлэн гарч байгаа бөгөөд цувралын зохиолч, найруулагчаар ах дүү Мэтт, Росс Даффер нар ажилласан. Энэхүү цуврал нь 2016 оноос эхлэн 2022 он хүртэл дөрвөн бүлэг гарсан бол тав дахь бүлэг тус цувралын сүүлийн бүлэг болох юм. Тавдугаар бүлгийн зураг авалт 2024 оны нэгдүгээр сарын 8-ны өдөр эхэлсэн бөгөөд зураг авалтын ажил нийт 353 өдөр үргэлжилжээ. Шийдвэрлэх бүлэг найман ангиас бүрдэх ба 2025 онд нээлтээ хийхээр товлогдоод байгаа юм. 

Кино бүтээгчдийн хэлж буйгаар үйл явдал 1990-ээд онд өрнөнө. Энэ бүлэгт өнгөрсөн бүлгүүдээс амьд үлдсэн гол баатрууд нөгөө ертөнцийн аймшигт мангасуудтай тэмцэж Хоукинс хотоо хамгаалах ёстой болно.

Киноны гол дүрд Милли Бобби Браун, Финн Вулфхард, Вайнона Райдер, Дэвид Харбор, Ноа Шнапп, Гейтен Матараццо, Калеб МакЛафлин, Чарли Хитон, Наталия Дайер, Жо Кири, Майя Хоук, Сэди Синк нар тогложээ.