Монгол, Өвөр Монгол, ОХУ, Хятад, Хонг Конг зэрэг олон улсад хийсэн "Skiptrace" кино Хятадад хит болж байна

"Skiptrace" киног найруулагч Ренни Харлин найруулсан бөгөөд тэрээр өмнө нь "Die Hard" киног бүтээсэн гэдгээрээ алдартай. Тус киноны гол дүрд Жеки Чан, америкийн жүжигчин Жонни Ноксвил ба бидэнд "Хуанжу гэг" киногоор хамгийн сайн танигдсан хятадын алдарт жүжигчин Фан Бинбин нар тоглосон байна.

Киноны үйл явдал Хонг Конгийн мөрдөгч (Чан) Хятадын гэмт хэргийн бүлэглэлийн толгойлогчийн эсрэг тэмцэх бөгөөд тэднийг ялахын тулд америк мөрийтэй тоглоомчны (Ноксвил) тусламжийг авахад хүрдэг.

Сонирхуулахад, "Skiptrace" киноны зураг авалтын зарим хэсгийг Өвөр Монголын говьд хийсэн байна. Уг кино нь АНУ-д есдүгээр сарын хоёронд нээлтээ хийх болно. Ямартаа ч бид Жеки Чаны тоглосон "сонгодог" инээдмийн, адалт явдалт киног дахин хүлээн авч үзэх нь ээ.