2025 оны онцлох бьюти тренд: Нүдийг сэргээх ягаан энгэсэг

Нийгмийн сүлжээнд нүдэнд жавхаа нэмэх, гал цогтой харагдуулж өгөх нэгэн арга тренд болоод буй. Энэхүү арга нь зовхины маск, нүдний хаванг буулгах төхөөрөмжийн тусламжгүйгээр нүдийг хялбархан гэрэлтүүлж, эрүүл дүр төрхийг үүсгэж өгдөг гэдгээрээ онцлог юм. 

Ингэхдээ танд ердөө ягаан өнгийн нунтаг энгэсэг болон хацар өнгөлөгч байхад хангалттай. Эдгээр бүтээгдэхүүнийг яагаад гоо сайхны цүнхэндээ нэмж, өөрийн шинэ дүр төрхийг бүтээхэд ашиглаж болохгүй гэж? Иймд уншигчдадаа зориулан ядарсан, аль эсвэл гоёмсог будалт хийх боломжгүй үедээ түргэн хугацаанд харцыг тодруулж, цог золбоо нэмэх энгийн атлаа үр дүнтэй аргыг танилцуулж байна. 

---

Ягаан өнгийн энгэсэг нь ядарсан төрхийг нууж, тайван амарсан мэт сэргэг харагдуулах "будаагүй мэт будалт"-ыг бүтээхэд гол үүргийг гүйцэтгэдэг. Хэрэв та нүүрнийхээ аль нэг хэсгийг дөвийлгөж харагдуулахыг хүсвэл юун түрүүнд сормуусны ургалтын дагуу хар контураар зурахыг санал болгож байна. Ингэснээр нүд тань тодорч, будалт тань илүү дур булаам өнгө аястай болно.

Нүднийхээ харцыг илүү яруу тод харагдуулахын хүсвэл нүднийхээ доогуур ягаан өнгийн энгэсэг түрхэж, давхар хацрын алим, хамрын үзүүр, зовхины эргэн тойронд ягаан хацар өнгөлөгч түрхэж өгөөрэй.

Энэхүү будалтыг та яг одоо тренд болж буй дрейпинг техник буюу чамархайнаас шанаа хүртэл нэлэнхийд нь будах аргатай хослуулаад үзээрэй. Эхлээд ягаан өнгийн энгэсгээ арьсандаа жигд түрхэж өгнө. Ингэснээр арьс дээр улаан, ягаан туяатай эффект үүсэх ба энэ нь нүдний үзүүр хэсгийн будалттай уусаж өхөөрдөм атлаа гэнэн хонгор төрхийг үүсгэж өгөх болно. 

Эхлээд тод ягаан өнгийн контур, сормуусны будаг, тень ашиглан нүдээ тодруулж өгөөрэй. Ингэснээр нүд илүү цоглог бөгөөд харц булаам харагдана. Дашрамд хэлэхэд, доод зовхиндоо ч гэсэн шигтгээ нааж, уруулаа тод өнгөөр будаж, өөрийн төсөөллөө ашиглан гоёмсог будалтыг үүсгэн, туршаад үзээрэй.

Тренд болоод буй будаагүй мэт будалтыг бий болгохдоо гялалзсан хөнгөн бүтэцтэй праймер, кушион, өө дарагч, хайлайтер ашиглаж дээрээс нь ягаан өнгийг энгэсгийг хацрын алим хэсэг дээрээ түрхэж өгөөрэй. Ингэснээр та зөөлөн, сэргэг, гэрэл цацруулсан төрхийг хялбархан бүтээж чадна.