Бөмбөлгөн хээ, цацаг, монохром төрх Proenza Schouler-ын хавар-зун 2023 цуглуулгад

Proenza Schouler брэнд нь хавар-зун 2023 цуглуулгадаа латин америкчуудын хувцасны онцлогийг тусгажээ. Өвдөг хүрсэн урт долгиотсон ханцуй, цацгаар эмжсэн өмдний шуумаг, бөмбөлгөн хээ бол шинэ цуглуулгад багтсан латин хэв маягтай загварын үндсэн шинжүүд юм. Мөн дизайнерууд доогуур өмсдөг юбка, өмд зэргийг чадвар шаардсан нарийн төвөгтэй силуэтээр гаргаж, харин пиджак, майк, цамц гэх мэт дээгүүр өмсгөлийг биеийн галбир тодотгосон энгийн байхаар урлажээ. Брэндийн цуглуулга дээр хоёр дизайнер хамтран ажилладаг гэдэг утгаараа санал зөрөлдөх тохиолдол бишгүй гарна. Лазаро Эрнандес, Жек МакКалоу нар ихэнхдээ нэгдсэн санааг илэрхийлж чаддаг ч өнгөний тал дээр хоёр өөр сонирхолтой гэдэг нь харагддаг. Үүний ачаар Proenza Schouler-ын загварууд хүн бүрийн сонирхлыг агуулж чаддаг билээ. Тухайлбал, хавар-зун 2023 цуглуулгын өнгөний палитр цэрэг ногооноос эхлэн алтлаг, неон шар төрлөөс бүрдэж байна.

Загвар өмсөгчдийн бьюти төрхүүдийн хувьд сүүлийн улирлуудад тренд болоод буй норсон эффекттэй үсний засалт, будаагүй юм шиг харагдуулах нүүр будалтыг хэрэгжүүлжээ.