Chanel-ын хавар-зун цуглуулгын сурталчилгаа

Chanel-ын хавар-зун 2016 цуглуулгын нүүр царайгаар Линейзи Монтеро ба Мика Арганараз нар тодорлоо. Тэгсэн хэдий ч зурагнуудыг хараад байхад бас нэгэн гол дүрийн баатар анзаарагдлаа. Тэр нь Нью-Йорк хот юм. Сурталчилгааны зурагчнаар Карл Лагерфельд өөрийн биеэр ажиллаж, харин загвар өмсөгчид Бруклины их хотын амьдрал дунд шинэ цуглуулгын хувцаснуудыг танилцуулж байлаа. Энэ удаагийн сурталчилгаа өөрийн тод өнгө болон баялаг агууламжаараа урьд өмнөх бүтээлүүдээс ялгарсан харагдана. Их хотын хэмнэлд тааруулсан аятай бүсгүйчүүд твид хүрмээ бэлхүүсээрээ тойруулан уяжээ.