Массимилиано Жорнетти Salvatore Ferragamo-г орхилоо

Сүүлийн үед дэлхийн тэргүүлэх загварын орднуудын бүтээлч захирлууд бөөнөөрөө албан тушаалаа орхиж байгаа гэж хэлж болно. Эхлээд Раф Симонс Dior-ыг орхиж, дараагаар нь Альбер Эльбаз Lanvin-аас гарсан бол одоо Массимилиано Жорнетти Salvatore Ferragamo-г орхих шийдвэрээ зарлалаа. Массимилиано Жорнетти нь анх 2000 онд Флоренцоос гаралтай тус загварын ордонд ирж, эхэн үедээ Salvatore Ferragamo-гийн эрэгтэй загварын цуглуулга дээр ажиллаж байжээ. Харин 2011 оноос эхлэн тэрээр бүх загварын бүтээлч захирлаар ажиллах болсон юм. Одоогоор түүний орхисон Salvatore Ferragamo-гийн бүтээлч захирлын суудлыг хэн эзлэх нь тодорхойгүй байна.