Playtime 2018: Street style. Хоёрдугаар хэсэг
Хоёр дахь өдрийн шилдэг төрхүүд
Сонирхол нэгт залуус дунд амьд хөгжмийн гайхамшгийг мэдэрч, зуны нарлаг өдрүүдийг зугаатай өнгөрүүлэх ховор боломж бол яахын аргагүй Playtime юм. Өдгөө 17 дах жилдээ зохион байгуулагдаж буй Playtime наадам жил ирэх тусам хөгжин, дэвшиж зохион байгуулалт болоод хөтөлбөрийн хувьд төгөлдөржиж байгаа гэж хэлж болно. Үүнийгээ ч дагаад наадамд оролцох залуус өөрсдийн гэсэн соёлыг бий болгож, эрх чөлөөтэй бөгөөд өвөрмөц хувцаслалтын сонирхолтой хувилбаруудыг харуулсаар байгаа билээ.
Playtime наадмын эхний өдрийн тайзнаа The Colors ба The Fin тэргүүтэй дотоодын болон гадаадын хамтлагууд үзэгчдийг доргиосон бол, хоёр дахь өдрийн онцлох уран бүтээлчид дунд АНУ-ын Ariel Pink болон бидний сайн мэдэх Сөрөг Хүч хамтлаг нар багтаж байгаа юм. Эхний өдөртэй харьцуулбал өнөөдөр тэнгэр цэлмэг байгаа тул зочид тод өнгийн зоригтой төрх бүрдүүлэн, цацагтай деталь, жийнсэн материал, 90-ээд оны гранж стиль гэх зэрэг сүүлийн үеийн трендүүдийг амилууллаа. Ингээд хамгийн анхаарал татсан төрхүүдийг хамтдаа харцгаая.
