Tod’s-ийн загварын шоу дээр моделиуд гартаа нохой тэврэн гарч ирлээ

Сүүлийн үед дизайнерууд шинэ цуглуулгаа танилцуулахдаа хэрэглэгчдийн анхаарлыг байж болох хамгийн өвөрмөц аргуудаар татдаг болсон. Харин тэр дундаас хамгийн өхөөрдөм аргачлалыг Tod's брэнд амжилттай хэрэгжүүллээ. Хоёр хоногийн өмнө зохиогдсон брэндийн намар-өвөл 2018 загварын шоуг нэг гартаа цүнх, нөгөө гартаа цагаан өнгийн франц бульдог тэвэрсэн Жижи Хадид нээн гарч ирсэн юм. Харин түүний дараагаар тайзнаа загвар өмсөгч Виттория Черетти өхөөрдөм бяцхан кокер-спанелийн хамтаар алхаж, Лю Вень чихуахуа тэвэрч, Ясмин Вейналдум сиба-инутэй хосолсноор үзэгчдийн сэтгэлийг бүр мөсөн хайлуулж чадлаа. Tod's-ийн хамт олон Нохой жил гарсантай холбогдуулан ийнхүү өвөрмөц алхам хийжээ.