Pitti Uomo дээрх street style, нэгдүгээр хэсэг
Хамгийн гол эрэгтэй загварын долоо хоногийн эхний өдрийн street style
Спорт хэв маяг ба хайхрамжгүй хувцаслалт ноёрхдог Лондонгийн эрэгтэй загварын долоо хоногтой харьцуулбал Флоренц хотод зохиогддог Pitti Uomo арга хэмжээн дээр илүү сонгодог, хээнцэр ба тансаг байдлаар хувцасласан эрчүүд хүрэлцэн ирдэг билээ.
Эрэгтэй загварын салбарт хамгийн нэр хүндтэй уг арга хэмжээний эхний өдөр гурван хэсгээс бүрдсэн хослол, сонгодог ноолууран пальто, шляп малгай, төрөл бүрийн хэлбэр ба өнгөтэй саравчтай малгай, тод өнгийн зангиа, эрвээхий зангиа, энгэрийн алчуур болон тод өнгийн хээтэй оймстой хослуулсан "brogue" гутал үзэгдлээ. Түүнээс гадна street style сурвалжлагад өртсөн эрчүүдийн дийлэнх нь илгэн гутал өмсөж, төрөл бүрийн хэлбэртэй сахлаар гоёсон харагдлаа. Товчхондоо бол Pitti Uomo дээрх хувцаслалтыг "Дэнди стиль" гэх ойлголтоор тодорхойлж болох юм.
