Сувдан үнэт эдлэл загварын ямар урсгалд хувирах чадвартай вэ?: Эрчүүд ч гэсэн зүүж болно
Сувдан үнэт эдлэлгүйгээр загвар, кино урлагийн салбарыг төсөөлшгүй. “Breakfast at Tiffany’s” кинон дээрх Одри Хепбёрн, алдарт дизайнер Коко Шанель, 90-ээд оны супермоделиуд, Диана гүнж гэхчлэн домогт эрхмүүдийн сэтгэлд хоногшсон төрхүүд сувдан эдлэлтэй салшгүй холбоотой байдаг. Тухайн үед энэхүү аксесуараар түлхүү тансаг бөгөөд глэм стилийг бүрдүүлдэг байсан бол орчин цагт үүнийг загварын төрөл бүрийн урсгалыг бүтээхэд ашигладаг болжээ. Дан ганц классик гэлтгүй 2000-аад оны өнгөлөг Y2K хэв маягаас эхлэн андерграунд rave соёл хүртэл сувдан үнэт эдлэлийг анхааралдаа аваад байгаа юм. Цаашлаад тус аксесуар нь Simone Rocha, Givenchy, Saint Laurent болон бусад загварын орднуудын цуглуулгад багтсанаар 2023 оны гоёл чимэглэлийн эрэлттэй чиг хандлагаар тодорсон билээ. Дизайнерууд, загварын инфлюэнсерүүд, стилистүүд болон алдартнууд сувдан эдлэлийг олон төрлөөр загварчилснаар энэхүү аксесуарын хувирах чадвар болон үнэ цэнээ хэзээ ч алддаггүй шинж чанар нь сайшаагдаж байна.
Хүн бүрийн аксесуарын цуглуулгад байх ёстой сувдан үнэт эдлэлийг тэгвэл MIKOTO брэндээс олох боломжтой. MIKOTO хамгийн дээд зэрэглэлийн гэгддэг Японы далайн гүнд бий болдог тунгалаг байдал, өөгүй хэлбэр, гялтганах чанараараа дэлхийд гайхагддаг Акоя сувдаараа алдартай бөгөөд BURO-гийн уншигчид тус брэндийг андахгүй биз ээ.
MIKOTO брэнд хэрэглэгчдэдээ зориулан сувдан зүүлтийн худалдан авалт тутамд ээмэг бэлэглэх урамшуулалт худалдаа арваннэгдүгээр сарын 15-ны өдрийг хүртэл зарлажээ. Үүнээс гадна зарим сонгогдсон загварууд 10-30% хямдралтай үнээр зарагдаж байна.
Сувдан үнэт эдлэл загварын ямар хэв маягт хувирах чадвартай вэ?
90-ээд оны минимализм
1990-ээд оны эгэл эсгүүртэй, саармаг өнгөтэй минималист хэв маягийг сувдан үнэт эдлэлгүйгээр төсөөлшгүй. Сувд өөрөө цэмцгэр харагдаж чаддагийн сацуу төрхийг хэт цулгуй, уйтгартай болохоос сэргийлдэг давуу талтай.
Эрч хүчтэй Y2K эрин
Өнгөлөг даашинз, платформ ултай өсгийт, цагариган ээмэгнээс бүрдэх, Парис Хилтоныг санагдуулам 2000-аад оны өнгө аястай хувцаслалтдаа сувдан зүүлт нэмээд үзээрэй. Төрх хормын дотор илүү цоглог, эрч хүчтэй болон хувирна.
Шийдэмгий андерграунд урсгал
Хэрэв та rave гэж юу болох талаар мэдэхгүй байгаа бол электро хөгжмийн фестивальд бүрддэг гоо зүйг нэг төсөөлөөд үзээрэй. Тэгш бус хэмтэй топ, гинжин зүүлт, сонирхол татахуйц хэлбэртэй нарны шилээр бүрдүүлсэн rave-чидийн төрх бол андерграунд соёлын нэгээхэн тусгал билээ. Тэгвэл сүүлийн үед загварынхан уг хэв маягийг тансаг зэрэглэлийн аксесуар, тэр дундаа сувдан үнэт эдлэлтэй хослуулах болсон. Дуа Липа энэ төрлийн хоршлыг хэрэгжүүлэхдээ гаргууд бөгөөд тэрээр сувдан зүүлтээ олон давхар чокер маягаар загварчлах дуртай.
Намар, өвлийн шик хэв маяг
Даруу бөгөөд тансаг хэв маягийн амин сүнс нь сувдан аксесуар гэхэд хилсдэхгүй. Хэрэв та намар, өвлийн хувцасны шүүгээндээ шинэчлэлт хийхээр төлөвлөж байгаа бол хэзээ ч үнэ цэнээ алдахгүй сувдан үнэт эдлэлээс эхлэхийг зөвлөе. Үүнийг хаана ч, юутай ч загварчлах боломжтойн сацуу өөрчлөлтийг огцом бус алгуурхнаар мэдрүүлж чадна.
"It" охидын өдөр тутмын сонголт
Винтэж хэв маяг өнөө цагт маш хүчтэй түгэн дэлгэрч буй. Үүнээс улбаалан сувдан аксесуарын эрэлт улам нэмэгдэж байгаа билээ. Ялангуяа Белла Хадид, Кендалл Женнер, Эмма Чемберлейн зэрэг "It" охид энэхүү үнэт эдлэлийг винтэж хэв маягийн төлөөлөл болгон хувцаслалтдаа шигтгэх болсон.
Эрчүүд ч гэсэн зүүж болно
Street style дуранд өртсөн эрчүүдийн төрх дунд сувдан аксесуарууд давамгайлах болжээ. Тэд энэхүү үнэт эдлэлээр дамжуулан түлхүү 1960-аад оны өнгө аястай ретро хэв маяг бүрдүүлж байна.
MIKOTO Mongolia
Хаяг: ХУД, 11-р хороо, Zaisan Peak Residence
Утас: 77444599, 99994599
Instagram: @mikotomongolia
