Нью-Йорк дахь Montblanc ба UNICEF-ийн оройн зоог
Оливия Палермо, Дайан Крюгер, Хью Жекман
Өчигдөр Нью-Йорк хотын нийтийн номын санд НҮБ-ийн хүүхдийн сангийн үйл ажиллагааг дэмжих зорилготой гала оройн зоог болж өнгөрлөө. Энэхүү арга хэмжээг Montblanc брэнд UNICEF-тэй хамтран зохион байгуулсан байна.
Montblanc брэнд 2004 оноос эхэлж UNICEF-ийн үйл ажиллагааг дэмжиж ирсэн түүхтэй. Тэд өмнө нь НҮБ-ийн хүүхдийн сангийн "Signature for Good", "Sign Up for the Right to Write", "Power to Write" зэрэг хүүхдүүдэд боловсрол олгох хөтөлбөрүүдийг санхүүжүүлж байсан юм. Эдгээр хөтөлбөрийн ачаар дэлхийн буурай орнуудын олон хүүхэд бичиг үсэгтэй болсон аж.
Энэхүү чухал арга хэмжээнд Дайан Крюгер, Оливия Палермо, Мирослава Дума, Хью Жекман, Рами Малек, Монакогийн гүнж Шарлотта Казираги, Йоханнес Хьюбл, Эльза Хоск, Карли Чайкин зэрэг дэлхийн алдартай одууд уригдан иржээ.
