Дүрслэх урлагийн хүч: Мексикийн хороолол солонго болон хувирлаа
Хотын үзэмжинд өнгө нэмнэ
Мексикийн Пачука хот дахь ядуусын хороолол гудамжны уран бүтээлчдийн ачаар урлагийн бүтээл боллоо
Мексикийн хүн ам олонтой хотуудын зарим дүүрэг нь сэтгэлд хоногших нь ховор. Ядуусын дүүргийн барилгууд хоорондоо хэт ойр шавсан дутагдалтай талыг нь German crew-ын уран бүтээлчид урлагийн талбар болголоо. Гудамжны хана, туургыг урлагийн бүтээл болгохын тулд тэд Пальмитас дүүргийн 200 байшин ашиглаж, солонгорсон өнгөөр буджээ. Өмнөх гандсан төрх нь тэр дороо сэргэж, энэхүү шинэ үзэмж нь тэндэхийн гэмт хэргийн тоог бууруулна гэдэг уран зураачид итгэлтэй байна. Одоо тэндэхийг алсаас харахад нэгэн амьд, контемпорари зураг байгаа мэт харагдана.
