“Love, Death & Robots” цувралын дөрөвдүгээр бүлэг хийгдэж байна

Шинжлэх ухааны уран зөгнөлт, “насанд хүрэгчдийн” хүүхэлдэйн киноны антологи болох “Love, Death & Robots” цувралын дөрөвдүгээр бүлэг хийгдэж байгаа талаар мэдээлэл цацагдлаа. Тим Миллерийн бүтээл уг цуврал нь анги бүрээ өөр утга санаатайгаар, дэлхий даяар өөр өөр анимэйшн студид хийдэг билээ.

Салбарынхаа дээд шагнал гэж болох Эммигийн 12 удаагийн ялагч болсон тус цувралын ерөнхий продюсероор Тим Миллер болон Дэвид Финчер нар ажиллаж байна.