Софи Тернер, Эмма Робертс, Жейден Смит ба бусад алдартнууд Louis Vuitton брэндийн сурталчилгаанд

Louis Vuitton брэнд pre-fall 2020 цуглуулгадаа зориулан 1970, 80-аад оны киноны постер мэт харагдах ретро сурталчилгаа хийжээ. Энэхүү сурталчилгаанд Клоуи Грейс Морец, Софи Тернер, Эмма Робертс, Жейден Смит, Леа Сейду, Билли Лурд, Пэ Ду На, Дипика Падуконе зэрэг олон улсын 23 алдартан оролцсон байна. "Pre-Fall 2020 цуглуулгын загвар бүр тус бүрдээ онцгой түүх өгүүлэх ба сурталчилгаагаар дамжуулан энэ утга санааг илэрхийлэхийг зорилоо" хэмээн брэндийн зүгээс тайлбарласан юм. Тухайлбал Билли Лурдын оролцсон зураг авалт зомбитой кино мэт харагдах бол, Жейден Смитийн винтэж хэв маягтай хувцас өмссөн зураг авалт sci-fi киног санагдуулж байлаа.