Намар-өвөл 2017 улирлын кутюр загварын долоо хоног эхэлсэнтэй холбогдуулан дэлхийн загварын нийгэмлэг Парис хотод цугларлаа. Загварын долоо хоногийн эхний өдрүүдэд Miu Miu, Atelier Versace, Proenza Schouler гэх зэрэг брэндүүд шинэ цуглуулгаа танилцуулж байх зуур хүрэлцэн ирсэн зочид хотын гудамжаар алхлан street style чиг хандлагуудыг харууллаа. Энэ улиралд спорт ба ажил хэрэгч стиль хоорондоо төгс уусаж, цэцгэн хээтэй романтик даашинз эрэлт ихтэй байж, том хэмжээтэй ээмэг хувцаслалтын салшгүй нэгэн хэсэг болж байна.