Гэнэтийн бэлгээр дүүрэн Парисын загварын долоо хоног сүүлийн өдрөө үргэлжилж байна. Өнгөрсөн өдрүүдэд Christian Dior брэнд эмэгтэйчүүдийг магтан дуулсан загваруудаа танилцуулсан бол Saint Laurent орчин үед хэрхэн тачаангуй хувцаслаж болохыг харууллаа. Түүнчлэн загварын долоо хоногийн өнгө төрхийг тодорхойлдог блогер, загварын редактор зэрэг зочдын хувцаслалт бидний анхаарлыг өөрийн эрхгүй татсан юм. Уригдсан зочдын дунд цэцгэн хээтэй загвар, цацагтай даашинз, нэвт гэрэлтэх цамц зэрэг романтик өнгө аястай загварууд давамгайлсан бол аксесуарын хувьд tote цүнх, багет гар цүнх, дөрвөлжин нарны шил ноёрхсон харагдлаа.