Лос-Анжелес дахь Balmain дэлгүүрийн нээлт

Лос-Анжелес хотноо Balmain брэндийн шинэ бутик нээгдлээ. Энэ үйл явдлыг тохиолдуулан тус брэнд үдэшлэг зохиосон бөгөөд уг арга хэмжээнд Ким Кардашьян, Кэрри Вашингтон, Гаранс Дор, Хейли Стайнфелд, Кейт Босуорт болон бусад алдартай зочид хүрэлцэн иржээ.

Мөн арга хэмжээний үеэр Balmain загварын ордны бүтээлч захирал Оливье Рустен Beats by Dr. Dre хөгжмийн брэндтэй хамтарсан шинэ цуглуулгаа танилцуулсан юм. Энэхүү цуглуулгад алтан төмөртэй, цайвар шаргал өнгийн савхин материалтай спорт загварын утасгүй чихэвчүүд багтсан байна. Харин Balmain x Beats by Dr. Dre цуглуулгын нүүр царайгаар Кайли Женнер тодорсон юм.