“Хүний үндсэн эрх болох эмэгтэй хүний ​​аюулгүй үр хөндөлт хийлгэх эрхийг баталгаажуулсан ‘Roe v. Wade’ хэргийн шийдвэр хүчингүй боллоо. Үүнээс улбаалан өчнөөн олон эмэгтэйчүүд, охидын амь үрэгдэх вий гэдгээс би маш их айж, надад үгээр илэрхийлэхийн аргагүй аймшигтай санагдаж байна. Эрх чөлөөг төдийлөн анхааралдаа авч үздэггүй гэдгээ тодоос тод харуулсан Дээд шүүхийн таван шүүгчид энэ дуугаа зориулмаар санагдлаа. Энэ дуугаа Самуэл Алито, Кларенс Томас, Нейл Горсуч, Эми Кони Барретт, Бретт Каванау шүүгчдэд зориулав. Бид та хэдийг үзэн ядаж байна" хэмээн залуу уран бүтээлч Glastonbury хөгжмийн фестиваль дээр хэлжээ. Үзэгчид түүний үгийг алга ташилтаар хүлээж авсан байна.

Glastonbury хөгжмийн фестиваль Кендрик Ламарын тоглолтоор өндөрлөсөн юм. Тэрээр цус мэт харагдах улаан будаг шингэсэн цагаан цамц, толгой дээрээ өргөстэй титэм зүүж тайзан дээр гарч ирэн дуугаа дуулсан байна. АНУ-ын Дээд шүүхийн шийдвэрийг эсэргүүцэж буйгаа илэрхийлэхдээ тэрээр хэд хэдэн удаа “Бурхан эмэгтэйчүүдийн эрхийг ивээг. Тэд эмэгтэйчүүдийг шүүснээр Христийг шүүж байна гэсэн үг” хэмээн дуулжээ.

“Эмэгтэйчүүд ярьж, хийж, мэдрэх эрхтэйгээс гадна хүссэнээрээ байх эрхтэй. Өөр хэн ч тэдэнд хэрхэн амьдрахыг нь хэлэх эрхгүй. Миний уур маш их хүрж байгаа бөгөөд энэ сэдвээр яриад эхэлбэл би зогсохгүй байх. Эрчүүд эмэгтэйчүүдийн өмнөөс сонголт хийх эрхгүй. Би ганц үүнийг л хэлье”.

“Тэд зүгээр л боолчлолын системийг хүсэж, ихэнх хүмүүсийн сонгох эрхийг нь үгүй хийлээ”.

“Тэд хүний ​​амь аврах биш, харин эмэгтэйчүүдийн бие махбод болон бидний сонголт хийх эрхийг хянахыг хүсэж байна. Энэ бол зүгээр л жигшүүртэй юм”.

“Эрх баригчид эмэгтэй хүмүүс өөрийн ​​​​бие махбодоо захирах эрхгүй болсон гэж үзэж байна. Тэдний шийдвэр намайг болон энэ улсын бусад бүх эмэгтэйчүүдийг гүн цөхрөлд автууллаа. Бурхан биднийг энэхүү давааг туулах хангалттай хүчтэй гэдгийг мэдэж байгаа учраас л үүнийг бидэнд явуулсан гэж би итгэж байна. Бид үүнтэй тэмцэх хангалттай хүчтэй! Үүнийг даван туулах хүчтэй тул бид даван туулах л болно”.

“Надад хэлэх ч үг алга. Ямар том гарз хохирол вэ. Ямар их урам хугарч байна гээч. Үнэхээр аймшигтай юм”.

“Би АНУ-ын иргэншлээсээ татгалзаж, Лондон руу нүүхээр шийдлээ” хэмээн тэрээр Лондонд болсон тоглолт дээрээ хэлжээ.

“Эмэгтэй хүн өөрийн бие махбодоо эзэмших эрхийн төлөө олон арван жил тэмцсэний эцэст өнөөдөр бид энэ эрхээ эргээд алдлаа”.

“Бид яг одоо танихын аргагүй Америкт амьдарч байна. Би бусад бүсгүйчүүдийг дэмжиж, энэ улсын бүх эмэгтэйчүүдийн эрхийг хамгаалахын төлөө санал бодлоо илэрхийлж буйгаа мэдэгдэж байна”.

“Надад санал бодлоо чөлөөтэй илэрхийлэх платформ байгаа цагт үр хөндөлт, нөхөн үржихүйн эрх, бие махбодын халдашгүй байдлын төлөө тэмцэх болно. Фундаментализмын үзэл бодлын манай улсад үзүүлж буй нөлөөллийн ноцтой байдлыг илэрхийлэх, дүрслэх арга зам минь дуусаж байна. Одоохондоо би ялагдлаа. ‘Roe v Wade’ шүүхийн шийдвэрийг хүчингүй болгосон нь бидний бие махбодын халдашгүй байдал, нөхөн үржихүйн эрүүл мэндийг хамгаалах үндсэн эрхүүдэд гамшигт өөрчлөлт гарсныг харууллаа. Бид бол сонгогчид. Тиймээс бидэнд энэхүү үүсээд буй нөхцөл байдалтай тэмцэх эрх, үүрэг хариуцлага бий”.

“Өөрийн бие махбодтой холбоотой үндэслэл бүхий шийдвэр гаргах үндсэн эрхээ дөнгөж саяхан алдсан Америк даяарх хүмүүсийн өмнөөс зүрх минь шархалж байна. Үүнтэй бидний ээж, эмээ, элэнц эмээ нар нүүр туулж байсан бол одоо эргээд энэ асуудал нь бидэнд ирлээ”.

“Энэ бол бидний бие махбодод хориг тавих явдал юм. Дээд шүүх буруу чиглэл рүү явж байна. Эмэгтэйчүүд одоо байгаагаасаа илүү их эрх эдэлж, илүү эрх чөлөөтэй байдлыг хүссэн болохоос эрхээ хязгаарлуулахыг огт хүсээгүй”.

“Би өнгөрөгч оны аравдугаар сард аялан тоглолтоо хийж байхдаа үр хөндүүлсэн. Гэр бүл төлөвлөлтийн төвд очсон ба тэнд надад үр хөндөлтийн эм өгсөн. Энэ нь хялбар үйл явц байсан. Хүн бүр ийм үйлчилгээ авах эрхтэй”.

“Үр хөндүүлэх болон нөхөн үржихүйн эрх бол миний хувьд маш эмзэг бөгөөд хувийн асуудал билээ. Манай ээж Нью-Йорк мужид үр хөндөлт хориотой байхад үр хөндүүлж байсан удаатай. Тэрээр энэ талаар дэлгэрэнгүй ярьж өгөөгүй ч хуулиар хориотой байхад үр хөндүүлсэн гэж надад хэлэх нь түүнд их чухал байсан. Энэ бол маш аймшигтай түүх. Намайг нөхөн үржихүйн эрх чөлөөний ач холбогдлыг бүрэн дүүрэн ойлголттой болгохын тулд л тэрээр түүхээ ярьж өгсөн”.

“Алабама мужид үр хөндөлтийг хориглосон нь үнэхээр аймшигтай хэрэг. Мөн хүчиндүүлсэн, цус ойртолтод өртсөн бүсгүйчүүдэд хүртэл үр хөндөлт хийх боломж олгохгүй байгаа нь бүр жигшүүртэй. Үр хөндөлт хийдэг эмч нар хүчингийн хэрэг үйлдэгчдээс илүү гэм буруутай гэсэн үг гэж үү? Хөх инээд минь хүрж байна. Би энэ шийдвэрээс үүдэн зовж шаналж буй бүх эмэгтэйчүүд, залуу охидын төлөө залбирч байна”.

“Энэ төрийн байгууллагууд эмэгтэйчүүдийн эсрэг дайн зарлалаа”.