Дөрвөн мөртөөр илэрхийлсэн сонирхолтой хариултууд

Хаа сайгүй яарсан хүмүүс, даарсан зүрхнүүд. Олны дунд үймж шуугьж явахдаа хаа нэг онцгой сайхан шүлгийн мөрт унших нь ядарч явахдаа амссан халуун кофе шиг амттай байдаг даа. BURO. уншигчдадаа яруу найргийн шинэхэн булангаа танилцуулж байна. Бидний содон асуултуудад дөрвөн мөрт шүлгээр хариулах яруухан энэ булангийн маань анхны даруухан “зочин” бол орчуулагч Б.Баясгалангийн “Эдгэрэл” хэмээх шүлгийн түүвэр ном юм. Бие багатай ч бэлчээр том энэ ном бидний асуултад хэрхэн хариулсныг сонирхъё.