2023 оны Оскарын шагнал гардуулах ёслолын ялагчид тодорлоо
Лос Анжелес хотын Dolby театрт кино урлагийн салбарын шилдгүүдийг тодруулдаг 95 дахь удаагийн Оскарын шагнал гардуулах ёслол амжилттай зохион байгуулагдаж өндөрлөлөө. Энэ жилийн арга хэмжээг хөтлөгч, комедиан Жимми Киммел хөтөлснөөс гадна Оскарын Шилдэг дуу төрөлд нэр дэвшсэн бүтээлүүдийг дуучин Рианна, София Карсон болон Дайан Уоррен, Lady Gaga, М.М.Киревани, Райан Лотт, Дэвид Бюрне, Mitski нар тайзнаа толилуулсан юм.
Энэ удаагийн шагнал гардуулах ёслолд ази гаралтай америкчуудад тохиолддог асуудлуудын талаар өгүүлэх "Everything Everywhere All at Once" кино цойллоо. Энэхүү кино нь нийт 11 төрөлд нэр дэвшсэнээс хамгийн чухал долоон шагналын эзэн болж бахдам ялалт байгуулснаас гадна жүжигчин Мишель Ео Шилдэг гол дүрийн эмэгтэй жүжигчний шагнал хүртсэн анхны ази гаралтай жүжигчин болж түүх бүтээлээ.
Мөн түүнчлэн "The Whale" кинонд гол дүр бүтээсэн жүжигчин Брендан Фрейзерийн урт хугацааны дараах эргэн ирэлтийг Академи Шилдэг эрэгтэй гол дүрийн шагналаар мялаасан бол Оскараас өмнөх ёслолуудад ихээхэн сайшаагдаж байсан "Elvis", "The Fabelmans", "The Banshees of Inisherin", "Tar" бүтээлүүд наадмаас гар хоосон буцлаа.
Ингээд 95 дахь удаагийн Оскарын наадмын нийт ялагчидтай танилцацгаая.
Шилдэг кино
"Everything Everywhere All at Once"
Шилдэг найруулагч
Даниел Куан болон Даниел Шайнерт "Everything Everywhere All at Once"
Шилдэг гол дүрийн эрэгтэй жүжигчин
Брендан Фрейзер, "The Whale"
Шилдэг гол дүрийн эмэгтэй жүжигчин
Мишель Ео, "Everything Everywhere All at Once"
Шилдэг туслах дүрийн эрэгтэй жүжигчин
Ке Хюи Куан, "Everything Everywhere All at Once"
Шилдэг туслах дүрийн эмэгтэй жүжигчин
Жейми Ли Куртис, "Everything Everywhere All at Once"
Шилдэг анимейшн
"Guillermo del Toro's Pinocchio", Гиеэрмо дел Торро
Шилдэг эх зохиол
"Everything Everywhere All at Once", Даниел Куан болон Даниел Шайнерт
Шилдэг сэдэвчилсэн зохиол
"Women Talking", Сарри Полли
Шилдэг олон улсын кино
"All Quiet on the Western Front", Герман
Шилдэг хөгжмийн зохиол
"All Quiet on the Western Front", Фолькер Бертельманн
Шилдэг дууны найруулга
"Top Gun: Maverick", Марк Уангартен, Жеймс Х.Матер
Шилдэг баримтат кино
"Navalny", Даниел Роер
Шилдэг богино хэмжээний баримтат кино
"The Elephant Whisperers", Картики Гонсуалвес болон Гунит Монга
Шилдэг богино хэмжээний кино
“An Irish Goodbye”, Том Беркли болон Росс Уайт
Шилдэг богино хэмжээний анимэйшн
"The Boy, the Mole, the Fox and the Horse", Чарли Макеси болон Мэттю Фройд
Шилдэг дуу
"Naatu Naatu", "RRR", М.М.Киревани
Шилдэг дүрсний эффект
"Avatar: The Way of Water" - Жо Леттери, Ричард Бэйнхэм, Эрик Сэйндон болон Даниел Барретт
Шилдэг нүүр хувиргалт ба үс засалт
"The Whale", Адриен Морот, Жүди Чин болон Энн Мари Брэдли
Шилдэг зураг авалтын дизайн
"All Quiet on the Western Front", Кристиан М.Гольдбек
Шилдэг зураг авалт
"All Quiet on the Western Front", Жеймс Фриенд
Шилдэг хувцас дизайн
"Black Panther: Wakanda Forever", Рут Картер
Шилдэг эвлүүлэг
"Everything Everywhere All at Once", Пол Рожерс
