Дуучин Lady Gaga Wednesday цувралын шинэ бүлэгт дүр бүтээнэ

Алдарт кино найруулагч Тим Бертон The Addams Family франчайзын спин-офф Wednesday цувралыг Netflix платформтой хамтран бүтээж, 2022 онд үзэгчдийн хүртээл болгосон билээ. Цуврал нээлтээ хийсэн даруйдаа олон нийтээс өндөр үнэлгээ авч, цацагдсан долоо хоногтоо 341.2 цагийн үзэлтийг цуглуулж, мөн тухайн жилд Netflix платформ дээр нээлтээ хийсэн бүтээлүүдийг үзэлтээрээ тэргүүлж, олон гайхалтай амжилтыг дагуулсан. Тэр дундаа цувралын гол дүр болох Уэнсдэйн бүжиглэдэг этгээд бүжиг TikTok, YouTube гэхчлэн нийгмийн сүлжээнд маш их хандалтыг цуглуулж, тухайн хэсэгт сонсогддог дуучин Lady Gaga-гийн Bloody Mary дууны ремикс хувилбар эргэн тренд болсон түүхтэй. 

Тэгвэл дуучин, жүжигчин Lady Gaga Wednesday цувралын шинэ бүлэгт дүр бүтээхээр болсон тухай мэдээлэл цацагдаж, цувралын үнэнч шүтэн бишрэгчдийн дунд өндөр хүлээлтийг үүсгэж эхэлжээ. Одоогоор Lady Gaga яг ямар дүрд тоглох талаар мэдээлэл хомс байгаа хэдий ч түүний өвөрмөц хэв маяг, жүжиглэх ур чадвар нь цувралын готик, сонирхолтой уур амьсгалтай нийцэх нь дамжиггүй биз ээ.

Wednesday цувралын хоёрдугаар бүлгийн зураг авалт өнгөрөгч дөрөвдүгээр сард Ирланд улсад хийгдэж эхэлсэн бөгөөд цуврал 2025 оны сүүлээр үзэгчдийн хүртээл болохоор төлөвлөгдөж байна.