Оскарын наадмын ялагчид: Бон Жун Хо, Хоакин Феникс, "Parasite" шилдгүүдээр тодорлоо
92 дах удаагийн Академийн шагнал гардуулах ёслолоос хэн хэн шагнал хүртэв?
Лос-Анжелес хотын Dolby Theatre-д 92 дах удаагийн Оскарын шагнал гардуулах ёслол зохион байгуулагдаж дөнгөж сая өндөрлөлөө. Хэдийгээр ёслолын арга хэмжээ хөтлөгчгүй зохион байгуулагдсан ч Киану Ривз, Натали Портман, Тимоти Шаламе, Галь Гадот зэрэг жүжигчид ялагчдын шагналуудыг гардуулан өгч, Eminem "Lose Yourself" дуугаараа гэнэтийн бэлэг барьж, Билли Айлиш өөрийн ах Финнеастай хамт Beatles хамтлагийн алдарт "Yesterday" дууг дуулж үзэгчид болон зочдыг нэг ч хором уйдаасангүй.
Энэ жил Оскарын наадмын хамгийн гол шагнал болох "Шилдэг кино"-г "Parasite" хүртэж, Оскарын шагнал хүртсэн анхны Өмнөд Солонгос кино төдийгүй, энэхүү хүндэт шагналыг авсан анхны гадаад хэл дээрх бүтээл болж түүхэнд бичигдлээ. Ингээд ч зогсохгүй тус киног бүтээсэн Бон Жун Хо "шилдэг кино найруулагч", "шилдэг кино зохиол" шагналуудын эзэн болсон юм. Ерөнхийдөө энэ удаагийн Оскарт "Parasite" киноны уран бүтээлчид маш том ялалт байгууллаа.
Түүнчлэн жүжигчин Хоакин Феникс, Рене Зеллвегер, Брэд Питт, Лора Дерн нар шилдэг жүжигчдийн номинацад ялалт байгуулсан байгаа. Ингээд 2020 оны Оскарын наадмын ялагчдыг харцгаая.
Шилдэг кино
"Parasite"
Шилдэг кино найруулагч
Бон Жун Хо, "Parasite"
Шилдэг эрэгтэй жүжигчин
Хоакин Феникс, "Joker"
Шилдэг эмэгтэй жүжигчин
Рене Зеллвегер, "Judy"
Шилдэг туслах дүрийн эрэгтэй жүжигчин
Брэд Питт (Once Upon a Time in Hollywood)
Шилдэг туслах дүрийн эмэгтэй жүжигчин
Лора Дерн, "Marriage Story"
Шилдэг анимэйшн кино
"Toy Story 4"
Шилдэг кино зохиол (эх зохиол)
Бон Жун Хо, Хан Жин Вон "Parasite"
Шилдэг кино зохиол (сэдэвчилсэн)
Тайка Вайтити, "Jojo Rabbit"
Шилдэг кино зураг авалт
Рожер Дикинс, "1917"
Шилдэг гадаад кино
"Parasite"
Шилдэг костюм дизайн
"Little Women"
Шилдэг хөгжмийн зохиол
"Joker", Хильдур Гуднадоуттир
Шилдэг баримтат кино
"American Factory"
Шилдэг дуу
"(I'm Gonna) Love Me Again," "Rocketman"
Шилдэг дүрсний эффект
"1917"
Шилдэг нүүр хувиргалт ба үс засалт
"Bombshell"
Шилдэг продакшн дизайн
"Once Upon a Time in Hollywood"
