Хайх

Дуучин С.Наран цоо шинэ клипээ цацлаа

Дуучин С.Наран цоо шинэ клипээ цацлаа

"Quando Sei Con Me"

Text: Ц.Намуун

Photo: Shirako


Монголын хамгийн хүчирхэг хоолойтой дуучин, С.Наран дѳнгѳж сая "Quando Sei Con Me" гэх нэгэн гайхалтай шинэ дуугаа олон нийтэд хүргээд байна. Энэхүү дууны хѳгжмийг Италийн Ласкалагийн удирдаач, тѳгѳлдѳр хуурч Стефано Салватори зохиосон бол шүлгийг дуучин С.Наран, Б.Болорцэцэг нар бичиж, видео клипний зураг авалтыг On'n Off продакшнийн Захирал, Найруулагч С.Ононбат хариуцан ажиллажээ.

Дуучин С.Наран цоо шинэ клипээ цацлаа (фото 1)

Харин дууны видео клипийг Ѳ.Содгэрэл хуучны Холливүүдийн хэв маягийг харуулсан даашинз, үс засалт, нүүр будалттайгаар жүжиглэн амилуулжээ. Ѳ.Содгэрэл 16 наснаасаа эхлэн фото модель хийж байсан бол, одоогоор BURO. олон улсын дижитал сэтгүүлийн Монгол дахь салбарын үүсгэн байгуулагч, эрхлэгч, Монголын Мэргэжлийн Загвар Зохион Бүтээгчдийн Холбооны Ерѳнхийлѳгчѳѳр ажиллаж байна. Сонирхуулахад "Quando Sei Con Me" гэдэг нь италиар "Чи надтай хамт байхад" гэсэн утгатай ажээ.

Дуучин С.Наран цоо шинэ клипээ цацлаа (фото 2)

"Нарны илчинд дулаацсан номин хөх далайд алсад хөвөх онгоц мэт ая дуу хөврөх нь зүрх жаргаана. Далай мэт гүн хэрнээ үүл мэт өндөр бас хөнгөн. Хайрын үгс шивнэхэд л халуу төөнөж тархи зүрхэнд хадагдах мэт тийм нэгэн дуу, дүрсний гайхамшгийг хамтад нь мэдэрцгээе. Тэнгэрт наран мандахад ертөнц дулаацна. Дуучин Наранг дуулахад сэтгэл дулаацна. Тэгээд Содгэрэлийг харахад нүд сэтгэл баярлана" - Т.Нансалмаа

QUANDO SEI CON ME (When you are with me)

Quando sei con me
Саран дэргэд минь гийх шиг
Quando sei con me
Одод бүжин биднийг тойрох шиг

Энэ ер бусын мэдрэмж намайг эзэмдэх бүрт
Чиний ертѳнцѳѳр улам нисэн аялмаар
Хэзээ ч холдмооргүй энэ хайр
Хэзээ ч дуусахгүй энэ хүсэл
Хэзээ ч хувирахгүй энэ хайр

Quando non cisei
Ѳвлийн шѳнѳ улам уртсах шиг
Quando non cisei
Хүлээсэн хором зуун жил шиг
Энэ уйтгартай мэдрэмж намайг нѳмрѳх үед
Бүтэн болохоор хүлээн ядах тал сар шиг

Бид амьдрал гэгч уул ѳѳд
Ѳѳр ѳѳрсдийн замаар ѳгсѳнѳ
Бид хайр гэгч тэнгэрийн зүг
Биесээ олоод хосоор ниснэ

Бид амьдрал гэгч зохиолд
Ѳѳр ѳѳрсдийн дүрийг бүтээнэ
Бид хайр гэгч далайн давалгааг
Хүслийн хѳлгѳѳр залуурдaна

Quando sei con me
Саран дэргэд минь гийх шиг
Quando sei con me
Одод бүжин биднийг тойрох шиг

Энэ ер бусын мэдрэмж намайг эзэмдэх бүрт
Хэзээ ч холдмооргүй
Хэзээ ч дуусахгүй энэ хайр

Төстэй нийтлэлүүд

Buro 24/7-гийн сонголт

Сэтгэгдэл бичих

цааш үзэх