NASA Хэллоуинд зориулсан плейлист гаргалаа
Сансар огторгуйн жихүүдэс хүргэм дуу чимээнүүд
NASA сансар судлалын агентлаг Хэллоуины баярыг тохиолдуулан сансрын дуу чимээнээс бүрдсэн тусгай плейлист бэлдсэн байна. Нийт 22 дуунаас бүрдсэн энэхүү плейлистээ тэд SoundCloud дээр байршуулжээ.
NASA-гийн Хэллоуины плейлистэд сансрын тусгай ажиллагааны үеэр бичиж авсан аудио бичлэгүүд багтсан байна. Жишээ нь Санчир, Бархасбадь гарагийн, сүүлт одны болон бусад сансрын дуу чимээг эндээс сонсож болно.
"Хэллоуиныг тохиолдуулан бид гараг ертөнцийн үл мэдэгдэх дуу авиа, гелий хийн исгэрч буй чимээг цуглуулсан байгаа. Эдгээр дуу чимээ нь таны биеийг зарс хийлгэнэ гэдэгт бид итгэлтэй байна" гэж NASA бичжээ.
