Radiohead хамтлаг интернет дэх бүх мэдээллээ устгажээ
Burn the witch
Radiohead хамтлагийн албан ёсны вэбсайт, Twitter хуудас, тэр ч бүү хэл, 12 000 дагагчтай Facebook хуудас нь ямар ч мэдээлэлгүй болжээ
Одоогийн байдлаар тус хамтлаг цахим ертөнцөөс ул мөргүй алга болно гэсэн мэдэгдэл хийгээгүй байна. Гэхдээ тэд хэд хоногийн өмнө "Шулмыг шатаа, бид таныг хаана амьдардгийг мэднэ" гэсэн үгтэй учир битүүлэг захиа шүтэн бишрэгчиддээ илгээжээ.
Umm, I just got this in the post from Radiohead. Is the new album called Burn The Witch? pic.twitter.com/zv5QKnDeGh
— Niall Doherty (@NiallMDoherty) April 30, 2016
Харин хамтлагийн шүтэн бишрэгчид тэднийг шинэ цомгоо гаргах гэж байна хэмээн таамаглаж байгаа юм. Учир нь Radiohead хамтлагийн ес дэх цомог гарна гэсэн цуурхал хөгжмийн салбарт тархаад удаж байгаа. Тус хамтлаг өмнө нь In Rainbows болон King of Limbs цомгуудаа урьдчилан мэдэгдэлгүйгээр гаргаж байсан билээ.