Bridget Jones's Baby киноны шинэ трейлер
Тэд хүүхэдтэй болно
Бриджит Жонсын амьдрал хэзээ ч уйтгартай байгаагүй. Жишээ нь одоо тэр хүүхэдтэй болох гэж байгаа бөгөөд хоёр ч залуу удахгүй төрөх хүүхдийнх нь эцэг байх магадлалтай. Юутай ч трейлерийг хүлээн авч үзэцгээе
Бид хамгийн сүүлд #Bridget Jones: The Edge of Reason# (2004) киногоор Бриджит Жонстой уулзсанаас хойш маш их хугацаа өнгөрчээ. Тэр энэ хугацаанд Марк Дарсигаас салж, дур булаам саятан Жектэй танилцаж, Марк Дарситай эргэн нийлж, бүр бие давхар болоод ч амжсан байна. Хамгийн сонирхолтой нь, удахгүй төрөх гэж буй хүүхдийнх нь эцэг Дарси юу, Жек уу гэдэгт л гол асуудал оршиж байгаа юм. Ямартаа ч Бриджит Жонсын амьдрал хэвийн үргэлжилж байгаа бололтой. "Bridget Jones's Baby" киноны гол дүрд Рене Зеллвегер, Колин Ферт, Патрик Демпси ба Эмма Томпсон нар тоглосон ба энэхүү кино есдүгээр сарын 15-нд нээлтээ хийх болно.