Buro 24/7 тойм: Calvin Klein Collection, намар-өвөл 2016

Calvin Klein брэндийн ДНХ-ны хамгийн гол, үндсэн чанар бол минимал хэв маяг юм. Америк загварын ордны бүтээлч захирал Франциско Коста брэндийн энэ чанарыг огтхон ч өөрчлөлгүйгээр сүүлийн хэдэн жилийн турш ажиллаж байгаа. Тэр цуглуулга бүтээхдээ хээ, угалз, чимэглэл зэрэг нэмэлт деталиуд ашигладаг ч  загварын ерөнхий минимал дүрс, төрхийг авч үлддэг билээ.

Намар-өвөл 2016 загварын шоу хар өнгийн даашинз ба хослол бүхий даруухан цуваагаар эхэлсэн. Гэхдээ тэдгээр загварууд дээрх үслэг зах, халаас, ханцуйвч зэрэг нь цуглуулгын дараагийн загваруудад улам сонирхолтой болохыг илтгэж байгаа мэт харагдлаа. Эрэгтэй загварын сул хүрэм доороос үл ялиг үзэгдэх унжсан уяа, оосор ч мөн адил үзэгчдийн сонирхлыг улам ихээр төрүүлж байлаа.

Хар өнгийн цуваа дуусч, цуглуулгын хоёрдугаар хэсэг эхлэхэд загварын тайз олон төрлийн хээгээр дүүрсэн юм. Юуны түрүүнд том жижиг хэмжээтэй дөрвөлжин хээ нүдэнд туслаа. Франциско Коста дөрвөлжин хээг хөх ягаан өнгийн пальто, хослол, даашинз гэх мэт загваруудад ашиглажээ. Харин дараагаар нь тайз дээр ууссан хэв маягтай, амьтдын хээтэй хувцаснууд гарч ирсэн юм. Дизайнер энэ удаад жирийн биш, харин дижитал төрлийн амьтдын хээ цуглуулгадаа оруулсан бөгөөд үүнийхээ ачаар оптик хуурмаг зурагнууд бий болгож чадсан байна. Түүний загварууд хавтгай биш, 3D эффекттэй, гүнзгий харагдаж байлаа.

Дизайнер Франциско Коста шинэ цуглуулгадаа бас нэгэн сонирхолтой элемент оруулсан нь өнгөлсөн чулуунууд юм. Тэр зарим загварууд дээр зөвхөн нэг том, харин бусад загварууд дээр олон жижиг чулуу тогтоожээ. Тэдгээр чулуунууд хүний биеийн эрчим хүчийг өөртөө шингээх ид шидийн увьдистай мэт санагдах болно.

Үзэх

01

02

03

04

05

06

07

08

09

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41