Buro 24/7 тойм: Prada, намар-өвөл 2016

Prada-гийн шинэ цуглуулга адал явдал ба аялал зугаалгад зориулагдсан гэнэ. Цуглуулгын гол дүрийн бүсгүйчүүд аялалд гарч, адал явдал хайж, саад бэрхшээлийг даван туулж, тэнгис далайг эзэмдэх болно. Миучча Прада эмэгтэйчүүдийг сул дорой байхад дургүй. Зөвхөн дотоод эрч хүчтэй бүсгүйчүүд түүнд урам өгдөг. Дизайнерын хэлснээр түүний гол дүрийн бүсгүйчүүд сайн охин, эхнэр ба ээж байж, гэр бүлийн гал голомтыг хадгалж, карьераа босгож, ажлаа тараад гэртээ шууд ирж, хоёрдугаар ээлжийнхээ ажилд орох ёстой аж. Дээр нь бас гуравдугаар ээлжийн ажил гэж бий. Тэр нь үзэсгэлэнтэй, эмэгтэйлэг байж, орчин тойрныхоо эрчүүдийн нүдийг баярлуулах ажил юм. Гэвч орчин үеийн нийгэм эмэгтэй хүний хүсэл зорилго, урлагийн амбиц, карьерыг үйл ойшоож, чухалчлан авч үзэхгүй байх тохиолдол олон байдгийг Миучча Прада цуглуулгаараа тодотгохыг хүссэн байна. Шинэ цуглуулгын хувцаснуудаас дүүжлэгдэх цоожтой тэмдэглэлийн дэвтэр нь дизайнерын уг санааг илтгэж байгаа юм. Эмэгтэй хүний бүх л нууцхан хүсэл, зорилгыг агуулж байгаа энэ тэмдэглэлийн дэвтэр хүмүүсийн нүдэнд ердөө л загварын аксесуар мэт харагдана.

Цуглуулга маш гүнзгий сэдэв агуулж байгаа хэдий ч, түүний загварууд нь гоёмсог бас өнгөлөг болсон байна. Хээтэй цамц, эмжээр дагуу үслэг оруулгатай савхин хүрэм, эртний хэв маягтай хамба хилэн даашинз, берет малгай, ромб дүрстэй сүлжмэл трико зэрэг нь тун удахгүй street style зургууд дээр харагдаж, загварлаг бүсгүйчүүд дунд эрэлттэй байх нь гарцаагүй. Хамгийн сонирхолтой нь эмэгтэй хүн бусдын эрхшээлээр амьдардагийн бэлгэ тэмдэг болсон корсетыг Миучча Прада эрх чөлөөг илэрхийлсэн болгож хувиргасан байна. Түүний корсетууд амьсгал боогдом давчуу биш, харин эсрэгээрээ сул загвартай бөгөөд даашинз, пальто, хүрэм зэрэг хувцас дээгүүр өмсөх зориулалттай болжээ.

Үзэх

01

02

03

04

05

06

07

08

09

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

43

44

45

46

47

48

49

50

51

52