Carolina Herrera, намар-өвөл 2020 улирлын хуримын цуглуулга
Уэс Гордоны шинэ цуглуулга
Carolina Herrera брэндийн бүтээлч захирал Уэс Гордон шинэ улиралд зориулсан хуримын цуглуулгаа танилцууллаа. Тэрээр энэ удаад хатгамал, шүр болон сувдаар чимэглэсэн минимал хэв маягтай даашинзуудыг урлажээ. Нийт 11 загвараас бүрдэх энэхүү цуглуулгаас хамгийн ихэд анхаарал татсан загвараар том хэмжээтэй эрвээхий зангилаагаар чимэглэгдсэн дэрвэгэр даашинзыг нэрлэж болох бол V хэлбэрийн энгэртэй, цэмцгэр эсгүүр бүхий даашинз нь маш энгийн атлаа сүйт бүсгүйн эмэгтэйлэг байдлыг тодотгохуйц болсон байлаа.
