PFW: Cedric Charlier, Vionnet
Хавар-зун 2016
Cedric Charlier
Бид Нью-Йоркийн загварын долоо хоногт санаатайгаар үрчийлгэсэн, индүүдээгүй даавуу ашигласан чиг хандлагыг хараад, ирэх загварын долоо хоногуудад дахиж харагдахгүй байх гэдэгт итгэлтэй байсан. Гэвч Лондон, Миланд иймэрхүү зүйлс байсан бол одоо Парист ч мөн адил иржээ. Хэн нэгэн таныг залхуу гэж харж байгаа болов уу гэж санаа зовохгүй байж болохоор болсонд бид баяртай байна.
Седрик Шарлье өөрийн үйлчлүүлэгчдээ сэтгэл амар байлгах үүднээс шинэ цуглуулгадаа илүү энгийн зүйлсийг буцаан авчирсан байна. Тэрбээр даавуун том куртка, цув болон сул цамцаар эхлүүлж аажмаар хэлбэр, чилэглэлийн хувьд адармаатай болгожээ. Эхлээд аль нэг загвар дээр бага зэрэг сувдан чимэглэл, олон янзын хээ оруулж, харин дараа нь судалтай цамцан дээр үл мэдэг цацаг нэмж, сүүлдээ зүймэл эдлэлэн даашинз оруулан дуусгалаа.
Vionnet
Vionnet Хуссейн Чалаянтай хамтарсан хэвээр байна. Тэрбээр загварын ертөнцөд бөс барааны алдарт брэндийн үүсгэн байгуулагчийн үлдээсэн гол нарийвчлалыг үргэлжүүлэн гаргасаар. Тэд мэдээж шинэ цуглуулгын дийлэнх хэсэгт гоёлын урт даашинзууд багтаажээ. Даашинзууд жинхэнэ Грек бурхадынх шиг эсвэл лусын дагиных мэт болсон байна. Бие даган унах, энгэсэгний өнгөтэй даашинзуудын санаанд оромгүй хэсгүүдэд гэрэлтсэн оруулгыг Чалаян маш мэдрэжтэйгээр хийдэг. Тайзан дээр гарч ирсэн бүх охидоос ер бусын дүр төрх болон хар торон зүйлс харагдаж байлаа.
