Александр Вангийн оронд: Balenciaga шинэ бүтээлч захирлаа сонголоо

Александр Вангийг хэн орлох бол гэсэн асуултын хариуг загварын ертөнц мэдэж авлаа. Өнөөдөр Kering групп албан ёсны мэдэгдэл гаргаж, Balenciaga брэндийн бүтээлч захирлаар Демна Гвасалияг томилсныг зарлалаа.
Дэлхийн тэргүүлэх загварын хэвлэлүүд шинэ баатрын талаар мэдээлэл цуглуулж байна. Бидний мэдэж байгаагаар Гвасалия бол Антверпын дүрслэх урлагийн академийн төгсөгч (Яг л Мартин Маргела шиг), Vetements гэх нэлээд амжилттай бие даасан брэндийн үүсгэн байгуулагч, LVMH Prize-ийн сүүлийн шатанд шалгарч байсан оролцогч, мөн Maison Margiela-д ахлах дизайнерын албан тушаал дээр найман жил ажилласан нэгэн билээ. Одоо тэгэхээр шинэ дизайнерийг хагас жилийн дараа Balenciaga-д зориулж ямар цуглуулга гаргахыг нь хүлээх үлдлээ.