Instagram Нью-Йоркийн загварын долоо хоногийн хамтрагч болно

Instagram загвар хоёр үргэлж нийцтэй байж ирсэн. Загварын салбарт их хэмжээний зураг болон бичлэг шаардлагатай байдаг. Тиймээс бүгдийн хайртай олон нийтийн сүлжээ маань өнөөдрөөс эхлэн Нью-Йоркийн загварын долоо хоногтой хамтарч, шинэ түвшинд гарах гэж байна. Хэрэглэгчид NYFW-ийн бүх шинэ мэдээг "Загварын долоо хоногийн шилдгүүд өдөр бүр Instagram-д" хэсгээс үзэж болно.

Сануулж хэлэхэд Instagram үргэлж хамтын ажиллагаанд нээлттэй байдаг билээ. Тэд өмнө нь Video Music Awards, Comic Con болон бусад том арга хэмжээнүүдтэй хамтарч байсан туршлагатай. Гэсэн хэдий ч өдөр бүрийн шинэ мэдээ түгээх энэ зэргийн хамтын ажиллагаа анх удаа явагдаж байгаа юм.

Судалгааны дагуу энэ жилийн хоёрдугаар бас гуравдугаар саруудад Instagram сүлжээнд загварын долоо хоногийн зургууд 140 сая гаруй like болон сэтгэгдлүүд хүртжээ. Шинэ функц зөвхөн NYFW-ийг хамруулах ба Лондон, Парис болон Миланы загварын долоо хоногтой холбоогүй байхыг анхаараарай.