Намар барих цүнх хайж байна уу? Prada хит цүнхнийхээ шинэ хувилбарыг танилцууллаа

Prada брэнд саяхан Хятадын Гэгээн Валентины өдөрт (энэ жил наймдугаар сарын 25-нд тохиож байгаа) зориулан пастель өнгөний сонголттой аксесуарын цуглуулга танилцуулжээ.

Цуглуулгад анх 2000 онд бүтээгдэж байсан алдарт Re-Edition цүнх багтсанаас гадна жижиг аксесуарууд болон панама малгай орсон байна. Өнгөний хувьд харин пастель шар, цэнхэр, ягаан ба оюу ногоон гэх дөрвөн сонголттой болжээ.

Шинэ цуглуулгын бүх эдлэлүүд Re-Nylon гэх дахин боловсруулсан нейлон материалаар хийгдсэн бөгөөд уг материалыг гаргаж авахын тулд далайгаас олдсон хуванцрыг дахин боловсруулалтад оруулдаг байна.

Цуглуулга Prada брэндийн албан ёсны вебсайт дээр худалдаалагдаж эхэлсэн байгаа.