Prada брэнд шинэ спорт цуглуулга танилцууллаа

Streetwear, спорт загваруудыг санал болгодог Prada-гийн Linea Rossa брэнд шинэ цуглуулга танилцууллаа. Хавар-зун 2019 улиралд зориулсан шинэ цуглуулгад усны хамгаалалттай, амьсгалдаг материалаар хийсэн минимал хэв маягтай цув, бэлтгэлийн хувцас, авангард загвартай нарны шил зэрэг багтсан байна. Харин шинэ цуглуулгын зураг авалт футуристик уур амьсгалтай, динамик болжээ.

Сонирхуулахад Prada брэнд сүүлийн үед streetwear чиглэлд илүү их анхаарал хандуулах болсон ба өнгөрөгч есдүгээр сараас эхлэн спорт загвар үйлдвэрлэдэг байсан Prada Linea Rossa брэндээ ахин худалдаанд гаргасан юм. Prada загварын ордны нэг хэсэг болсон Prada Linea Rossa нь 20-иод жилийн тэртээ буюу 1990-ээд оны хамгийн хайп өндөртэй брэнд байсан төдийгүй хип-хоп артистуудын хайртай брэндийн нэг байсан билээ.