Playtime 2023: Street style. Хоёрдугаар хэсэг

Нийслэлийн Засаг даргын захирамжаар Улаанбаатар хотыг өндөржүүлсэн бэлэн байдлын зэрэгт шилжүүлснээр Playtime 2023 фестиваль тун хүнд нөхцөл байдалд үргэлжилж байна. Гэсэн хэдий ч Playtime наадмын зүгээс голын хэсгийг бүрэн хамгаалалтад авч, цаг тутам хяналт тавин Онцгой байдлын албатай хамтран, зохион байгуулалтын бүх нэгжүүдийг өндөржүүлсэн хамгаалалт, бэлэн байдлын зэрэгт шилжүүлэн ажиллаж байгаа юм.

Хүрэлцэн ирсэн хүмүүсийн дунд өөрийн гараар хийсэн үү гэмээр онцгой детальтай хүрэм, 1980, 1990-ээд оныг санагдуулам винтэж хантааз, бүхэлдээ деним төрх, гранж, рок хэв маяг давамгайлж хоёр дахь өдрийн уур амьсгалыг тодорхойлсон харагдлаа.

Одоогийн байдлаар Playtime-ын үндсэн тайзан дээр Even Tide, хэрмэн цавд George, Eamar нар, шинэ давлагаа тайзнаа The Groovin’High, Eccesion гэхчлэн хамтлаг, дуучид уран бүтээлээ толилууллаа. Үргэлжлүүлэн наадмын оргил хэсэг гэж хэлж болох Cigarettes After Sex сэтгэл хөдөлгөсөн зөөлөн аялгуут дуунуудаа эгшиглүүлэх ба тэдний гараа Playtime-ыг хайрын сэдэвт романы нэг хэсэг болгоно гэдэгт эргэлзэхгүй байна. Цаашлаад өнгөрсөн жилийн хедлайнер байсан Motorama, мөн The Colors нар үндсэн тайзыг хааж үзүүлбэрээ толилуулах болно.