Дэлхийн шилдэг гудамжны хоолнууд

Тайланд улсын хамгийн алдартай амттан бол манго жимстэй цагаан будаа юм. Амтгүй сонсогдож байна уу? Яг үнэндээ жуулчид болон Тайландчууд уг амттанд их дуртай байдаг тул та завшаан гарах юм бол заавал амтлаад үзээрэй. Бас гэртээ хийж бэлтгэхэд ч амархан байна. Цагаан будаагаа кокосын сүүнд чанаж болгоод манго жимсийг хэрчээд хамтад нь таваглах хэрэгтэй. Тайландад ихэнхдээ будаан дээрээ кунжутын үр цацаж өгдөг байна.

Жинхэнэ амтыг нь мэдрэхийн тулд Турк болон томоохон Европын хотуудыг зориорой. Манайхны их дуртай нэгэн хоол учраас дэлгэрэнгүй тайлбарлаад ч хэрэггүй биз ээ. Гэхдээ уг хоолны гол учир нь амтат соусандаа байдаг юм шүү.

Пицца нь Итали улсаас гаралтай хэдий ч дэлхийн өнцөг булан бүрт алдартай. Гэхдээ үнэ, чанарын хувьд хамгийн боломжийн хувилбаруудыг АНУ-аас олох боломжтой. Манхэттенд нэгэн цагт пиццаны газрууд үйлчлүүлэгчдийнхээ төлөө тэмцэж, үнийг нь 1,5 доллараас 75 цент хүртэл бууруулж байсан түүхтэй.

Туркийн пицца хэмээн нэрлэж болох уг хоол нь арвин мах болон бяслагтайгаараа онцлог юм. Мөн ихэвчлэн зууван хэлбэртэй зарагддаг байна.

“Бao” эсвэл манайхаар бол бууз нь ихэнх Ази орнуудад алдаршсан зоог билээ. Монголчууд түлхүү мах болон ногоотой хийдэг бол бусад орнуудад дүпү, шар хулуу, чихэрлэг буурцаг зэрэг олон төрлийн орцтой буузыг санал болгодог байна.

Хүн бүрийн мөрөөдөл болсон Франц улс нь амттайгаараа алдартай “Crêpe” буюу шарвинг анх зохион гаргажээ. Дэлхийг шуугиулдаг уг амттан бүх оронд зарагддаг бөгөөд худалдан авагчийнхаа нүдэн дээр хайрч, шарагдан хүссэн жимс болон амттанаар нь чимэглэгддэг онцлогтой.

Зүүн Өмнөд Азийн орнуудад төрөл бүрийн жимс агуулсан жижиг тэрэгнүүд гудамжаар нь дүүрэн харагддаг. Жишээ нь зөвхөн Тайланд, Вьетнам зэрэг орнуудад ургадаг өвөрмөц сайхан жимснүүдийг жуулчид хямд үнээр худалдаж аваад дорхноо дуусгадаг гэнэ.

Мексик улсын урдаа барьдаг хоолнуудын нэг бол тако юм. Уг хоолны онцлог нь эрдэнэ шишийн тортилланд салса соус, сонгино, төрөл бүрийн мах болон кориандр амтлагчийг хийдэгт оршдог. Цагаан хоолтнуудад зориулсан хувилбарууд ч олон бий.

Эдгээр нь Энэтхэгийн алдарт улаан буудайн гурилын талхнууд юм. Хэрэв та Энэтхэг улсаар зочилбол тэнд бүх хүмүүс уг талхыг хоолтойгоо амтархан зооглож буйг харах болно. Талхнууд нь дангаараа ч зарагддаг бөгөөд нэмэлтээр чихэрлэг, халуун ногоотой эсвэл давслаг соуснууд дагалдуулан авч болдог байна.

Герман болон Австри улсын бэлгэ тэмдэг болох уг алдартай зангилаа хэлбэртэй нарийн боовыг та сайн мэдэх биз ээ. Том ширхэгтэй давстай претцель нь шар айрагтай илүү зохицдог байна. Мөн чихэрлэг зүйлд дуртай хүмүүсийн сэтгэлд нийцэх хувилбарууд ч бий. Нэмэлтээр бяслаг, зайдас гээд л олон төрлийн дагалдах зүйлстэй претцелийг ч бас олж болно.

Бургерийг санагдуулам тус хоол нь амталсан гахай, үхэр, хонины махийг грильдэж шарсан Серби улсын үндэсний зоог юм. Уг хоолыг сонгино, кажмак (сүүн крем), халуун ногоо, бяслаг зэрэг зүйлсээр амталдаг байна.

Уламжлалт Унгар улсын энэхүү амттан бол хоосон дотортой, чихэрлэг, мөн ороомог хэлбэртэй нарийн боов юм. Үүнийг элсэн чихэр, ваниль, самар, бүйлс эсвэл шоколадаар чимэглээд зардаг байна. Уг нарийн боовноос олон улсууд санаа авсан байдаг. Жишээ нь Чех улсад Trdelník нэртэй ижил гурилан бүтээгдэхүүн мөн алдаршсан юм.

Японы Осака хотоос гаралтай энэхүү “өхөөрдөм” жижиг бөөрөнхий хэлбэртэй хоол нь шарсан гурилан дотроо наймаалжны тэмтрүүл болон ногоонууд агуулдаг юм. Эдгээрийг ховил бүхий тусгай хайруулын тавган дээр бэлтгэдэг байна. Японоор зочлохдоо заавал амталж үзээрэй.

Манай хойд хөршийн удирдагчийн нэртэй төстэй сонсогдох тус зоог гудамжны хоолнууд дундаас хамгийн алдартай нь гэж хэлж болох юм. Уг хоол Канадаас гаралтай бөгөөд шарсан төмс, бяслаг болон олон төрлийн соусаар хийгддэг.

Шатахуун түгээх станц, хөгжмийн наадам, эсвэл гудамжинд хамгийн их олдоцтой хөнгөн зууш бол хот-дог билээ. АНУ-ын гудамжнуудаар болон Берлин хотын бүх өнцөг булангаар зарагддаг байна.