Хайх

Жан Нувелийн тэнгэр баганадсан барилгын ажил Нью-Йорк хотод эхэлжээ

Жан Нувелийн тэнгэр баганадсан барилгын ажил Нью-Йорк хотод эхэлжээ

Гоёмсог

Text: Б.Амина


Зураг:

Нью-Йоркийн 53 West 53rd Street-д тэнгэр баганадсан шинэ цогцолбор баригдаж эхэллээ. Барилгыг Притцкерийн шагналт архитектор Жан Нувел зохиосон байна

Нувел шинэ төсөлдөө нээлттэй бүтэц бүхий барилгын тусгай систем бий болгожээ. Барилга бүхэлдээ налуу өнцөгт, пирамид хэлбэртэй. Энэхүү дизайны тусламжтайгаар доторх 139 орон сууц нь бүгд өвөрмөц загвартай болж байгаа юм. Гурван давхар шил бүхий дэлгэмэл цонх нь гадны дуу чимээг бага нэвтрүүлж, агаарын хэмийн зөрүү мэдрүүлэхгүй. Барилга доторх тамиржуулах төвд том усан сан, усан массажны халуун банн зэргийг багтаасан ба францын алдарт ботаникч Патрик Бланкийн бүтээсэн цэцэрлэгээр хүрээлүүлэх юм байна. Энэхүү цогц байгууламжид мөн хувийн номын сан, дарсны мини зоорь бий. 53W53 цогцолборын гол онцлог нь орчин үеийн урлагийн музей. Тэнгэр баганадсан барилгын эхний давхараас музейн үзэсгэлэн рүү шууд орох боломжтой . Тус барилгын оршин суугчид MoMA-ын баталгаат гишүүнчлэлтэй болох бөгөөд музейн хөшөө дурсгалаар тохижуулсан цэцэрлэгт хүрээлэнд хувийн үдэшлэг зохиох эрхтэй аж.

Жан Нувелийн тэнгэр баганадсан барилгын ажил Нью-Йорк хотод эхэлжээ (фото 1)Жан Нувелийн тэнгэр баганадсан барилгын ажил Нью-Йорк хотод эхэлжээ (фото 2)

цааш үзэх