Энди Уорхолын цаг дуудлага худалдаанд тавигдлаа

Christie's дуудлага худалдааны танхим уран бүтээлч Энди Уорхолын хувийн цуглуулгын Patek Philippe цагийг дуудлага худалдаанд оруулж байна

Энди Уорхол 300 гаруй цагны цуглуулгатай байсан бөгөөд зөвхөн хамгийн шилдэг гэсэн цагийг цуглуулдаг байжээ. Christie's дуудлага худалдааны танхим түүний хувийн цуглуулгаас Patek Philippe гэх сонгодог хэв маягтай цагийг дуудлага худалдаанд оруулж байна. Patek Philippe 1952 онд үйлдвэрлэгдсэн бөгөөд 18 каратын алтаар хийгджээ. Шар алтан эх биетэй, хар арьсан оосортой энэ цаг поп арт урлагийн хаан эзэмшиж байсан гэдгийг илтгэх мэт чамин харагдах аж. Мэргэжилтнүүд Patek Philippe цагийг дуудлага худалдаанд 50,000-100,000 долларын үнэ хүрнэ гэж таамаглаж байна.