Грэмми 2016 наадмын ялагчид тодорлоо

Уламжлал ёсоор 58 дах удаагийн Грэмми наадмын шагнал гардуулах ёслол Лос Анжелес хотноо болж өнгөрлөө. Энэ жилийн ялагчид хэн болсныг харцгаая

58 дах удаагийн Грэмми наадамд Тейлор Свифт, Кэндрик Ламар болон The Weeknd нар хамгийн олон төрөлд нэр дэвшсэн уран бүтээлчид байлаа. Ламар 11 төрөлд нэр дэвшсэн бол Свифт болон Weeknd нар тус тус долоон төрөлд нэр дэвшсэн юм. Энэ жилийн "Шилдэг цомог" шагналыг Тейлор Свифтийн 1989 цомог, "Шилдэг дуу бичлэг" шагналыг Бруно Марс Uptown Funk дуугаараа, "Шилдэг дуу" шагналыг Эд Шийран Thinking Out Loud дуугаараа тус тус хүртсэн бол харин гол шагналуудын нэг "Шилдэг шинэ уран бүтээлч" шагналыг Мэган Трэйнор хүртжээ. Ялагчдын нэрсийн бүрэн жагсаалттай Грэмми наадмын албан ёсны сайтаас танилцаарай.