МoМА-ын цуглуулгыг интернетээр үзэх боломжтой боллоо

Яг одоо

Нью-Йорк хотын Орчин үеийн урлагийн музейд гэрээсээ ч гаралгүйгээр зочлох боломжтой болжээ

Урлаг, уран сайханд дурлагчдад дуулгах таатай мэдээ гарлаа. Нью-Йорк хотноо байрлах Орчин үеийн урлагийн музей өөрсдийн цуглуулгын 65 мянган зургийг moma.org сайт дээрээ байршуулжээ. Үүнээс гадна МoМА галерей Google Cultural Institute-ийн төсөлд мөн нэгдсэн байна.

Google Cultural Institute-ийн төсөл хүмүүст Нью-Йорк хотын Орчин үеийн урлагийн музей, Версалийн ордон, Лондонгийн Үндэсний галерей гээд бусад олон музейн цуглуулгыг онлайнаар үзэх боломжийг олгоод таван жил болж байгаа. Тэд үүнийгээ өргөжүүлж, зүгээр нэг онлайнаар дүрслэх урлагийн бүтээл сонирхохоос илүүтэй Google Cultural Institute VR нүдний шилний тусламжтайгаар хийсвэр орон зайд зочлох боломж гаргасан юм. Улмаар хүмүүс урлагийн бүтээлийг дэргэдээс нь харж буй мэтээр үзэж, сонирхон, музейн архитектур дизайныг илүү бодитойгоор мэдрэх боломжтой болжээ.

Герхард Рихтер, September, 2005

Эгoн Шилле, Portrait of Gerta Shiele, 1909

Эль Лисситский, Composition, 1922

Пабло Пикассо, Interior with a Girl Drawing, 1935

Мартин Киппенберг, Lieber Maler, male mir (Dear Painter, Paint for Me), 1981

Марк Ротко, No.10, 1950

Фрэнсис Бэкон, Study for Three Heads, 1962

Энди Уорхол, Hammer and Sickle, 1976

Жиоржио Моранди, Still Life, 1949

Люсьен Фрейд, Portrait of a Woman, 1949

Б.Амина

2016-03-22, 08:00