Лондонгийн загварын долоо хоног, намар-өвөл 2016: Street style. Нэгдүгээр хэсэг

Лондон хотод загварын долоо хоног эхэллээ. Загварын марафоны эхний хоёр өдрийн street style зургуудыг нийтлэж байна

Бид Нью-Йоркийн загварын долоо хоног дээр цугларсан зочид ихэвчлэн завсрын өнгөөр хувцасласан байсныг саяхан дурдсан. Харин Лондонд нөхцөл байдал тэс ондоо байна. Дизайнеруудын шинэ цуглуулгыг сонирхохоор ирсэн загварлаг бүсгүйчүүд нил ягаан, шаргал, улаан, ногоон гэх зэрэг байж болох бүхий л тод өнгөнүүдийг сонгосон байлаа. Гэхдээ бүсгүйчүүдийн хувцаслалтад хамгийн чухал үүрэг гүйцэтгэсэн ганц зүйлээр жийнсэн өмд тодорсон юм. Бараан цэнхэр өнгийн жийнснүүд хаа сайгүй л үзэгдлээ. Ерөнхийдөө Лондонгийн бүсгүйчүүд тод өнгийг хэрхэн ашиглах, хаана байрлуулах зэргийг сайтар мэддэг бололтой. Алекса Чангийн төрхийг харахад л хангалттай. Тэрээр нэлээд энгийн, тайван хэв маягтай гарч ирсэн ч, ухаалаг утас дээрээ өнгө өнгийн наадаг зураг нааж, мөн энгэртээ цэнхэр өнгийн цэцэг зүүж, төрхөө илүү зугаатай болгосон харагдана.