Гуравдугаар сарын 20-24 өдрүүдэд Сөүл хотод загварын долоо хоног зохион байгуулагдаж байгаатай холбогдуулан Dongdaemun Design Plaza-ын эргэн тойронд этгээд шийдэлтэй, тод өнгийн хувцас өмссөн загварлаг залуус цуглараад байна. Солонгосчууд зөвхөн хувцаслалт төдийгүй мөн үсний өнгө, нүүр будалт зэргээрээ бусдаас онцгойрч, ямагт өнгөлөг бөгөөд шинэлэг байж чаддаг нь бидний бэлдсэн street style зурагнуудаас илт харагдах болно. Дотоод дизайнеруудын хувцсыг Balenciaga, Gucci, Fenty брэндүүдийн гутал ба аксесуартай хослуулах дуртай тэд хамгийн сүүлийн үеийн чиг хандлагуудыг зоригтойгоор хэрэгжүүлсэн байгаа.