Хоёрдугаар сарын 4-13 өдрүүдэд Нью-Йорк хотноо намар-өвөл 2019 улирлын загварын долоо хоног зохион байгуулагдаж байна. Том Форд, Ральф Лорен тэргүүтэй дизайнерууд шинэ улиралд зориулсан загваруудаа танилцуулж, шоунд уригдсан зочид орчин үеийн трендүүдийг өөрсдийн стильтэй уусган загварлаг, сонирхолтой дүр төрх бүрдүүлэн иржээ. Загварын салбарын нөлөө бүхий эрхмүүдийг нэг дор цуглуулсан Нью-Йорк хотод монохром төрх, улбар шар, ногоон, шар зэрэг неон өнгүүд, гудамжны хэв маяг, oversize загварын үслэг хүрэм голчлон харагдлаа.