Хавар-зун 2019 улирлын загварын долоо хоногууд аль хоёр сарын өмнө Нью-Йорк хотод эхэлсэн бөгөөд дэлхийг тойрон үргэлжилсээр одоо Тбилисид ирлээ. Vetements брэндийн үүсгэн байгуулагч Демна Гавасалиягийн төрөлх нутаг буюу Гүрж улс нь сүүлийн үед дэлхийн загварын салбарын хүчтэй тоглогчдын нэг болоод буй. Үүнийгээ дагаад Тбилисигийн гудамжаар алхах залуус ч мөн өөрсдийн гэсэн өвөрмөц хэв маягаараа танигдах болсон билээ. Могойн арьсны хээтэй хувцас ба аксесуар, улбар шар өнгийн гал мэт нарны шил, SpongeBob-ийн зурагтай утасны гэр гээд өнгөлөг, этгээд шийдлүүдээр дүүрэн шилдэг street style зургуудыг хүргэж байна.