Дэлхийн кино ертөнцийн хамгийн чухал үйл явдлуудын нэг болох Каннын 71 дэх удаагийн кино наадам хэдхэн цагийн өмнө Францын Номин эрэгт албан ёсоор эхэллээ. Энэ жилийн кино наадмын шүүгчдийн бүрэлдэхүүнд нийт долоон орны төлөөлөл болсон шүүгчид багтаж байгаа бол тэднийг жүжигчин Кейт Бланшетт ахалж байгаа юм. Харин наадмыг жүжигчин Хавьер Бардем ба Пенелопа Крус нарын тоглосон, найруулагч Асгар Фархадигийн "Everybody Knows" нэртэй сэтгэлзүйн триллер кино нээсэн байна.

Каннын кино наадмын нээлтийн ёслолд Кейт Бланшетт, Жулианна Мур, Фан Бинбин, Кристен Стюарт, Роми Стрейд, Дэни Вильнёв болон бусад алдартнууд хүрэлцэн ирсэн харагдлаа.

Каннын 71 дэх удаагийн кино наадам 2018 оны тавдугаар сарын 8-19 хооронд үргэлжлэх болно. Дэлхийн кино урлагийн хамгийн нөлөө бүхий наадмын тухай илүү дэлгэрэнгүйг эндээс хараарай.